صحيح عوبا بس مافيني غروور
فيني جراءه حاضنتها طفووله
احب صمت الليل واشعاعه النوور
وافرح بزخات المطر وبهطووله
واحب اجننهم تفاكير وصدوور
واحب اكون الصعب محد ينووله
العب على الدنيا ولا اتقن الدور
افشل واحاول لين حزت البطوله
بساطتي ماهي عيب ولاقصوور
وماهمني من قال عني خجوله
صحيح ماني شيخه الزين والحوور
اللي تهز الكون عرضه وطوله
بس انا عندي قلب لو عاش مقهوور
يضحك لو ان الجرح يركي حموله
وسطه عناد يكره الظلم ويثور
على عقول الظالمين الجهووله