ســألـــتــــ الحــــب ’’ حــبـــيــبـــ الـــحـــب -

#1 (**permalink**) 02-07-2008, 12:37 AM

سألتـــ الحبـــــــــ ؟

سألت الحب عن تاريخ عيدهـ **وجاوبني وعندي ألف شاهد

يقول افرح لقيت اللي تريدهـ ** أنا مولود في عشرين واحد

عسى يوم الهنا ربي يعيدهـ ** وأنا وياك نحيا وانتعا يد

معك يا بسمة العمر الوحيدة ** حبيبي بس..وأغيظ الحوا سد

تعال نعيش لحظتنا الفريدة** يزين الوقت وتهون الشدايد

ترى الدنيا رجاويها زهيدهـ** ولا تسوى زعلها والنكايد

أحبك حب وصفي مايجيدهـ ** شعوري جمر واثر الحكي بارد

شعوري طفل لو خذته من إيدهـ ** ملا دنياك إحساس ونشايد

لك بقلبي عصافير وقصيدة ** أغنيها ولا كل القصايد

ولك بروحي تناهيد ونشيدهـ ** نرددها إلى من غبت واجد

سألت الشوق والقلب وبريدهـ ** سألت الورد والما والقلايد

سألت وقام كل يرفع إيدهـ ** أنا مولود في عشرين واحد..

حــبـــيـــبــ الـــحـــبـــ !

حبيب الحب يالحب وحبيبي ** نفس روحي بعد روحي وحالي

سنه مرت وشمسك ماتغيبي ** عن عيوني وعن قلبي وبالي

إذا بعدك قدر هذا نصيبي ** وإذا حظي قدر ياطيب فالي

سنين العمر تسألني واجيبي ** على ذكراك وحضورك سؤالي

تواريخك تمر وتلتقي بي ** وتنساني وتذكرك الليالي

تخّير من هدايا الورد طيبي ** ولا تختار لاعيادك بدالي

يازينك وانت سارح وتحكي بي ** طرالك بالمحبه ماطرالي

احسك حيل من قلبي قريبي ** تدلل لك على كل الدلالي

يسافر بي غلاك وينتحي بي ** عن الدنيا ويجنح بي خيالي

صباحي خير وجروحي تطيبي ** صباحك ياصباح العمر غالي

عسى ظني بنورك مايخيبي ** وعساني مانحرم من شوفك قبالي

شموعك يوم حبك تحتفي بي ** لقلبي ضيّ ولعمري ظلالي

حبيبي كل سنه وانت حبيبي ** حبيب الحب ياحبي إلحالي ..

القصيدتين للأمير الشاعر فيصل بن خالد بن سلطان..

أتمنى أن تكون القصائد حازتــ على رضاكم يــاحلويـــن..

سلاااااااااااااااااااااااام