ملفي المورقي (يمدح قبيلته)

مخآوي الليل · #1 (**permalink**) 21-07-2008, 11:50 PM

بسم الله الرحمن الرحيم

السلام عليكم ورحمة الله وبركاته

هذه قصيده للشاعرملفـــــي المــورقـــي ( اللي الفخر في مدح ربعي عتيبة )

مـادام كـلاً قـام يمـدح قبيلـتـه ***ويذكـر مناسبهـا ويذكـر فعولهـا
اللي الفخر في مدح ربعـي عتيبـة***اللي تسلسل من هـوازن أصولهـا
ربعي هل التاريخ والعـز والفخـر***ليا مـن دقـت للحرايـب طبولهـا
إلها إسمها الرنان مع ساير العـرب***إليا ضيقت بعض العرب صوتولهـا
مثل الجبـال الشامخـة فالجزيـرة***مترامية عرض الجزيـرة وطولهـا
من قو هيبتهـم ومـن قـو باسهـم***كل الديار اللـي يبـون وصلولهـا
إليا ساقوا العطفه وسارت جموعهـم***الأرض ترجف من حوافر خيولهـا
تمشـي برغبتهـا وتمشـي بكيفهـا***ما كن ابه ناسً من النـاس حولهـا
لين إنها وسط الجزيـرة تمركـزت***وشرت على أطراف الجزيرة نزولها
هيـلاً علـى ماقيـل الاول مهيلـه***تطول رغبتهـا ولا أحـدً يطولهـا
بحدب السيوف اللي تجاذب قنيبهـا***وشلفً عريضات وسـاعً دحولهـا
ما تأكـل الا كـل شيـخً مجـرب***تخلي عن الخيل الأصايل حمولهـا
يوم أنهـم هـاك الليالـي تحـدروا***مثل المزون اليـل تدلـت ثعولهـا
بروقها بيـض السيـوف الرهايـف***ورعودها العزوه ليا ضاق جولهـا
وثعولهـا البـارود عنـد انصبابـه***والدم مـن فعـل النشامـا سيولهـا
هـذا وأنـا ملفـي فعايـل عتيبـة***ليا من جات المعضـلات إرتكولهـا
ومن لاذ بحماهم من الخوف يامـن***تضفي عليه عن البـلاوي سدولهـا
يصير في عيطـىً قـوي حجاهـا***تحجي وتذري من دخل في كفولهـا
من طيبها ينسب لهـا عـدة أسمـى***اسمىً دواليت الدهـر مـا تزولهـا
ذكرت منها البعض والبعض الاخـر***ما اوفي حروف رسالتي لين اقولها
ذباحـة الحايـل ولطامـة الـعـدا***حتـى نعاتيـت الطغـاه اشهدولهـا
قـدم العـدا نـار قـوي جحيمهـا***وقدام وجه الضيـف زيـن قبولهـا
ابوابهـم طـول الليالـي مشرعـه***ما حلجـوا قـدم المسيـر قفولهـا
ان جاهم الطرقي لقى العود والشبب***ودلال رسـلانً تعاقـب بدولـهـا
يكيـف الضرمـان خنـة عبيرهـا***أهل الكـرم والمكرمـات اتعبولهـا
وكل السلوم الطيبـة مـن سلومهـم***اسلومهـم سـارت ونالـت قبولهـا
كم أصلحوا من مشكلة غير الأخرى***الصلح مـن بيـن القبايـل ميولهـا
ربعي سراج الدين في ظلمة الجهـل***ما تمشي الا مـا مشابـه رسولهـا
قلته وأنـا شاعـر وامجـد قبيلتـي***اللي مـن الحكمـه ثقـال عقولهـا
والشاعـر اللـي مايمجـد قبيلتـه***ياعنـك ماثمـن مسـاعً سعولهـا
همه ليا غنـى القصيـد لمصالحـه***ياكل به العيشـه ويعـرف دخولهـا
في مدح ربعـه ماتدرهـم قصايـده***وفي غيرهم محفً سماري ذلولهـا
مايـدري الدنيـا رحـىً مستديـره***يمكن عليه تـدور ماحـال حولهـا
وأختامها مني صـلاة علـى النبـي***شفيع الأمـه يـوم يـزداد هولهـا

اهداااااا لكل من يقول انا (عتيبي)
واخص فيها غير البشر ويستاهل اكثر ..
ولا يهونون الباقين
(كل القبايل وافيه بالشهامات ..للعزز فرقه بالمعالي تزايد)

تحياااااااااااتي

اخوكم // خاااااالد

صاحبه السمو · 22-07-2008, 12:23 AM

كلمآآآت جزلة و وآآآفية

رآآآقية برقي فكرك وجمآآآل حرفك

صح لسآآآآآن الشــاعـــروانــامــلكـ عالنقــل وربي لا هآآآآآآنك

شموخ متوآآآآصل و إبدآآآع في المعنى

ننتظر منك الجديد الرآآآآآئع

تقــبــلي مــرـوـوـورـري

ولايهينوون باقي القبايل..