يقوم الصبح بعد ما يطلع عين اهله ولازم افراد العائله تمر عليه
عشان تصحيه وكل واحد وطريقته:
الاب:قم جعلك الهزل
الأم:قم جعلك الجدري
الأخ: والله اذا ما تقوم لافقع وجهك
أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسه
بعد ما يقوم يمر الحمام على السريع ويغسل وجه
وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ
انهم ما حطوه؟؟
بعد ما يجي الفطور وهو كالعاده : فول شكشوكه تميس + حليب سائل
يبدأ الورع بالأكل وشوي الا وهو حاذف أخوه بعلبة الهندسه؟؟؟
عشانه سحب صحن الفول من عنده وشوي الا وهو
مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟
أبوه يتكلم معه يا ورع أركد وافطر وعين خير انت وش بلاك وراك مدرسه
يرد الورع عليه: انت ما تشوف سعيدان سارق فسحتي؟؟
< سعيدان اكبر سروق بالبيت >> ابوه على طول يصدق ويصـــــــك
سعيدان كف صدقي<<< فيه كف كذبي
المهم بعد ما يخلص الفلم اليومي يروح الولد للسياره يلقى اخوه فاتح
الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه
اما الورع منهم يجي من المدرسه وثوبه قالب لونه بني< تقول جدار مدرسه >>
ولا دخل البيت رمى الشنطه بالصاله وفصخ ثوبه
ووينك يالشارع < اخوياه يحترونه>> وهاتك ياللعب
كوره بهالقايله وعادي الشارع مولع من الحراره وهم عادي مررره
ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه للبحث عنه ولا لقوه وجابوه
للبيت قام يصيح طقوني وسحبوني قدام الناس < والله ما أحد لمسه النصاب>>
المهم يحطون الغداء < معروف كبسة لحم
غيره ما فيه!! يتغدى الورع الكريم ويصــــــــــــــــــك بعدها لتر لبن
بعدها يجلس ساعه فاتح فمه <<<
يحتري من يوديه يغسل له يديه!!!!!!!!!؟؟؟؟؟؟؟
يجي وقت العصر وهو نايم < مفعول اللبن >> يقوم قبل المغرب
وياخذ دروسه وواجباته < وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه على شان تحل له
الواجبات واذا قالت لا يا ويلها يا سواد ليلها .
بعد كذا أنواع الدجه مع ورعان الحاره ومن هم على شاكلته
ما يخلون هندي الا وسرقوا سيكله
ولا رجع البيت < على الساعه 11 تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت!! وخذلك عاد < مساكين اهله >>
لا رجع البيت< الساعه 11>> ما يدخل مع الباب لا يقمز من
فوق السور على شان ابوه ما يمسكه .
وعلى طول لغرفته ويسكر الباب ويطفي النور ويراعي من الشباك
على باب الشارع الرئيسي يشوف وش صار على
مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه.
وفي أثناء ذلك يستغل الفرصه ويهج للمطبخ وياخذ منه جبن < جبنة البقره الضاحكه >>
وخبز ويرجع لووووووووووكره
ويقفل باب الصندقه > ويتعشى من ذا الجبن والخبز
اللين يدوخ > لا وأزيدكم من الشعر بيت ما ينام
الا وهو متلطم!!!؟؟؟ < على باله مراقب >>بخخخخخ 
الإهداءات
« آخـــر الـــمـــشـــاركــــات »
31-07-2008, 09:32 PM
تعالووووووووو شوفر يوميات الور اعين السعودية 
رد: تعالووووووووو شوفر يوميات الور اعين السعودية 
العرض العادي
