مـيـــن معــايـــا ؟؟؟ (( ان كنت تجرأ جاوب ))

خنفشارية · #1 (**permalink**) 01-09-2008, 05:58 AM

بسم الله الرحمن الرحيم

اطلب من كل شخص يقرا كلامي الى نهايته

وبعدين جاوبوا على سؤالي (( بس لمن تجاوبوا فكرواماابغا جوابكم بدون قناعة وتكونوا جرئين وقد الكلمة ))

راح اكتب لكم افكاري وكل شي في بالي >> لاني طفشت اكون شيطان اخرس

اول سؤالي لكم

الاسلام اخترتوه بارادتكم ولا احد غاصبكم او جابركم عليه ؟؟؟؟

اذا اخترتوه بارادتكم ..... طيب فسرولي

ليش ما تطبقوا احكامه

ليش تعملوا الحرام ....

ليش لمن نقول التكلم مع الاجنبي حرام ... ما يعجبكم

انا ما حقول الحب حرام بس الطريقة حرام

ليش لمن نقول الحجاب واجب .... البنات ما يتحجبوا

ليش ؟؟؟ ليش ؟؟؟

مو انتم اخترتوا الاسلام بارادتكم مافي احد اجبركم

طيب هذا دينكم هذي احكامه

حرام تتكلمي مع اجنبي
حرام تتكلم مع اجنبية عنك
من ضمن الاجانب (( ولد العم ـ ولد الخال ـ ولد الخالة ـ ولد العمة )) ترا مو زي اخوانك لا تضحكي عل ينفسك >>> ونفسه للولد بس بالبنات
واجب تتحجبي
واجب تصليو
حرام الخمر
حرام التبرج

هذا الدين هذا الي انتم اخترتوه ..... طب ليش تعملوا عكسه

نفسي افهم ؟؟؟؟

اذا ما تبوا تعملوا باحكامه ولا عاجبتكم

ليش ااخترتوه ليش انتم فيه ؟؟؟

اذا انتم مو عاجبكم احكامه روحو اخترعو دين لوحدكم حطوه فيه الي تبوه وسموه اللي تبوه

عيب تكونوا مسلمين بس اسم ...... وانتو لا افعال ولا اقوال تدل على انكم مسلمين

النــــــاس الي تقول ...

اقتباس


	** الحب قبل الزواج كراي الشخصي هو التعارف بينهما من كل النواحي واتفاق عالامور الصغيرة والكبيرة يعني يتفاهمون بيناتهم هالامور حتى لايوكعون بماشكل اثناء الزواج والحب قبل الزواج يكون افضل لكن بحدود المعقول الحب قبل الزواج شي رائع كتير لانو بكون في تفاهم وتناغم بين الطرفين ** الحب شي حلو وغير محرم

هذي بعض الاجوبة حق المسلميــــــــــــن وركزوا على مسلميــــــــن

يانــــــــاس المسالة مو مسالة حب المسالة اكبر اكبر بكثير بكثير

كل الي رايهم من هذا النوع اسالهم :

تتوقعي الله الي خلقك يحرمك من شي رائع حلو ؟؟؟؟

طيب في سؤال تاني عنجد عنجد انا ابغا جواب له

والله والله لو احد لقى جواب لذا ا لسؤال اروح ادور معاكم عل دا الحب >>> والله حلفت بالله

(( لمن اوقف قدام ربي ويحاسبني ويسالني .... انا حرمت عليكي تكلمي اجنبي عنك ....... وانتي اتكلمتي ؟؟؟؟؟ ليـــــــــــــــــــــــــــش ؟؟؟ )))

ايش اجاوب .... كل بنت تكلم .ولد ...... وكل ولد يكلم بنت ...... اكيد لقيتوا جواب مقنع تجاوبوا

اناما لقيت من الثانوية وانا افكر مالقيت جواب ايش اجاوب

اقول ..... ادور على الحب عشان ابغا تناغم وتفاهم بيني وبين الحبيب والحب شي رائع >>> بالله ذا جواب اقوله

المسالة مو مسالة حب اكبر اكبر من كدا بكثير ليش ما نفكر ليش ناخذ الموضوع من زاوية وحدة

نحنا ما نقول الحب حرام ........... لا والله مو حرام ....... بس الطريقة حرااااااااااام

طيب نتكلم بالمنطق والعقل ....

انا حبيــــت شخص ايش النتيجة :

1) نحب بعض ونتزوج ......
نسبتها : 20 ٪

نتيجتها : حياة سعيدة فرح ونجيب اولاد وبنات ونعيش بسعادة

او

2) احد من الطرفين كاااااااذب مخاااااادع .....
نسبتها ..... 40 ٪

نتيجتها : البنت ... حالة نفسية ـ الحياة اتقفلت ـ الحياة مالها معني ـ انتحااااااااار ـ ما تبا تعيش خلاص ـ تبكي ـ منكدة ـ تكره نفسها وتكره العالم

الولد ....حالة نفسية ـ يكره البنات ـ ما يبا يعيش ـ مخنوق ـ مو قادر يكمل حياته ـ ممكن ينتحر

وهذي الحقيقة ورحوا شوفوا المدارس شوفوا بنات المتوسط كيف ؟؟؟ كيف تفكيرهم وكيف حالتهم

شوفوا البنات في لمنتديات كيف !!!!!!!!! والله انهم شي يحزن والاولاد كمان

نكمل ليسع ...

3) يحبوا بعض بس ما يقدروا يتزوجوا ..... لظروف << الاهل ما وافقوا ـ ينغصبوا على الزواج من شخص اخر ...... الخ >>>
نسبتها ... 40٪

نتيجتها : البنت :حالة نفسية ـ الحياة مقفلة ـ ليش الناس كدا تكرههم ـ ما تبغا تعيش ـ تبكي ـ مهمومة

الولد: حالة نفسية ـ ما يبغا يتزوج ـ يسافر من البلد ـ يكره حياته ـ ومهموم .........

بالله بالله سالتكم بالله ميــــــن الي يدخل نفسه في تجربة 20٪ سعادة وهناء

80٪ حالة نفسية هموم انتحارات ونكد .........

انتو جاوبوا ..... الصاحي المسلم الي مخه نظيف ولا ................

عرفتوا ليش ربنا حرم علينا .... مو عشان يمنعك من شي حلو لاااااااااااا

لانه نتايجه مو مضمومنة ..... نتيجته مو اكيد سعادة وفرح .....

ربك استحاااااالة يمنعك من شي في سعادة لك

متى نصحى متى نفكر ...

ومتى لمن نفكر نفكر صح .....

الفرق بين الانسان والجماد ... التفكير

الفرق بين المسلم والكافر .... التفكير الصح

اذا نحنا ما نفكر ..... ايش نحنا ؟؟؟ (( انسان ولا جماد ))

واذا جينا نفكر نفكر غلط .... ايش ذا ؟؟؟ احد يفهمني

ولا المصيبة لمن تجي الاعذار الي ما تدخل المخ انا كبشر مااحسها عذر

الي تقولي فاقدة حنان الام

والي تقولي ما في احد يسمعني

مراهقة

دي اعذاااااار تضحكو بيها على نفسكم .....

انااعرف انو حنان الام ما يعوض .... بس مو معناته تروحي تختاري الطريق الغلط

لو سالك ربنا ليش ؟؟؟

بتقوليلوا حرمتني من حنان امي ....

طب دا كان اختبـــــار لك كان قدامكم اختيارين

الاول .... تقربي من ربك تعرفي ايش دينك مافي احن من حنان الله عليك والله والله لو انك قربتي من الله وحسيتي بحلاوة الايمان وفهمتي الدين ومامشيتي ورا هوا نفسك
بتلاقي شي تاني حياة تانية والله لا حنان امك ولا الناس بيعوضوكي عن حنان ربك

بس انتي اخترتي الاختيار التاني...
اخترتي البشر ....... اخترتي كائن زيك يعوضك دا الحنان الي فقدتيه

ما فكرتي ولا حتى جربتي تقربي من ربك

الدنيا اختبــارت .... وربك اختبرك ..... وانتي رسبتي وغلطتي

مو مشكله اننا نغلط

المشكلة اننا ما نفكر ونشوف الموضوع من وجه واحد

ولمن نفكر نفكر غلط .......... ننسي الدين

ولا الي يقولوا مراهقة ايش ذا العذر .... خير ما في احد مر بالمراهقة الا انتوا .........

تبغوا العذر الصح

انكم نسيتو ربكم .... انكم ما قدرتوا ربكم .... انكم نسيتو يوم حسابكم .... نسيتو دينكم .... نسيتو احكامه .....

لمتى لمتى ننسى ربنـــــــا ؟؟؟؟ لمتى

لمتى حنعيش لهوي نفسنا ؟؟؟ لمتى .... ونسينا اية (((أَرَأَيْتَ مَنِ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلاً))

معناتها ا عملنا الي نبغاه بدون ما نفكر لا في ربنا ولا في الدين

اتخذنا هوانا الاه واتجهالنا الله >>> تعالى الله عن ذلك

لااا وياريتنا بس نغلط الا كمان بكل انواع البجاحة وقلة الادب نقول

نقول .... تقول البنت وتفتخر انو عندها حبيب

والاخ فرحان ويقول انو عنده حبيبة

والله عيب والله عيب بس اذا انت ما استحيت من ربك ولا قدرته ما راح تستحي لا مني ولا من غيري

شوفوا انا ما اتكلمت ولا كتبت دا الي من قهري ولاني طفشت ساكتة زي الشيطان الاخرس

وش استفدت بسكوتي ولا شي .....

نفسي افهم ونفسي استوعب كيف كيف تعترفوا بالغلط ... وتفتخروا به .... وتقولوا للناس كيف ؟؟؟

انتو تتوقعوا انكم مرة فلة وكول وعايشين حياتكم

لا والله لا والله انتو لا فلة ولا كول البنت :بنت رخصة نفسها ـ بنت ما احترمت اهلها اساسا ما احترمت ربها عشان تحترم اهلها

الولد : مافي رجولة 50٪ >> في نظري تطيح رجولتك ـ انسان ما يحترم ربه

هذا انتم الي تفتخروا بغلطكم هذا انتم الي تفتخرو انكم تعاندوا وتعصوا ربكم

يعني في ناس تغلط وتعمل غلط بس ساكته وساترة نفسها ...... وفي ناس ما اعرف ما اعرف ايش يتسموا ؟؟؟؟

لمتى ؟؟؟

لمتي راح نذل الاسلام .... لمتى راح نكون سبب في تردد ناس يدخلوا الاسلام >> ودي حقيقة

في مسلمين دخلوا لالسلام بس ترددهم كان بسبننا ....

تقول ترددت لان الاسلام دين رائع وقرات عنه .... بس ما اشوفه على شبابه

تسال نفسها اذا هو كويس ومن احسن الاديان ... ليش شبابه ما يطبقوا ؟؟؟؟

هل لانه دين وهمي .......

شوفتوا نحنا ايش عملنا شفتو انتم الي تدورو على الحب والحب رائع

وانت الي تشرب خمر

وانتي الي ما تتحجبي ......

ايش عملتوا ؟؟؟

خليتوا الاسلام دين وهمي .... صح هم دخوا في الاسلام خلاص

بس ترددهم كان بسببنا

وصحيح من حقهم يترددوا

ارجوكم بالعقل ............ نحنا ندعي للاسلام ونقولهم الحجاب واجب.... ويلاقوا بناتنا ما يتحجبوا ولا تفتخر بالحجاب ....

والاحلى تحسبه عادة وتقاليد

ياسلام ياسلام الحجاب عادة وتقاليد >> جديدة دي

لمن تقتنع راح تتحجب .... سارت اوامر الله (ربك الي خلقك) لازم تتقتنعي بها اول

لمن نقلهم الخمر حرام ..... يشوفوا اولادنا يسافروا عشان يشربوا

لمن نقلهم ونقلهم ونقلهم ... ويشوفوا عكس عكس عكس

اكيد بيقول انه وهمي.... اكيد يسالونا

ليش شبابكم ما يتمسكوا ولا يعملوا باحكامه ؟؟

جاااابوا جااابوا عنجد انا ابغا جواب

لمن يسالني انت تدعيني للاسلام والاسلام دين رائع بس ليش شبابكم ما ينفذوه ؟؟؟ ايش اقول ايش اجواب

عرفتوا نحنا ايش نعمل ....

خلااااص كفاااااااية لازم نفكر ولمن نفكر نفكر صح

الي يقولوا للناس المتمسكة بدينها ... انتوا معقدين - عيشوا الحياة

الي تقول لصحبتها عشان ما تكلم وتتحجب انتي معقدة ومثالية زيادة عن الزوم ..... فيلها وربك يحلها

لمن تقولوا عني معقدة ..... فانتي بتقولي عن دينك انه معقد موانا .... مو انا الي افتيت من راسي مو انا الي مانعة نفسي .......... ذا ديني

وزي ماقلت انا اخترته بارادتي وانا افتخر به

انا مثالية... طيب حلو الاسلام دين مثالي وانا مثالية مو مشكلة

بس مو عايشة حياتي... انتو غلطانين انتوا لي مو عايشين ومو شايفين

بالله الي تكلم شباب والي شالت حجابها والي يشرب خمر والي .... والي.....

عايشين حياتهم احسن من

الي وصل لدرجة الاحسان .... الي ذاق حلاوة الايمان

مين فينا الي عايش الحياة ....

نسيتوا الدرجات نسيتوا انو في اسلام وايمان واحسان >>> والاحسان اعلى شي

نسيتوا حلاوة الايمان

نــــــاس وصلت للاحسان ونـــــــاس ذاقة حلاوة الايمان

متى نحنا ... ليش تحرموا نفسكم ليش .... ؟؟؟

ما فكرنا !!!!!! نسينا .... طب لمتي ؟؟؟

لمتى ما نفكر .... لمتى ننسى .... لتمى نحرم نفسنا

لمتي بنفضل جاهلين في ديننا ....

والله حرام لو دحين سالت عن الرسول اسئلة الي بيجاوب عليها ......... ولا حتى نص المسلمين

لو سالت عن الصحابى ..... الربع اذا جاوبوا نعمة

لو قلنا عددوا عشرين من اسماء الصحابى اذا وصلتوا للعشرة الحمد لله والشكر

نسينا انو بسببهم اتنقل الاسلام... نسينا تعبهم ... نسينا تضحياتهم

لذي الدرجة ما يهمونا ما نعرف عنهم شي

لو سالت عن اسم الرسول بالكامل مين يعطيني هو صح .... لو سالت عن غزواته فتوحاته حياته مين يتكلم عنه

لدي الدرجة ما يهمنا الرسول .... لدرجة ينسب وما اعمل شي

بتقولولي قاطعنا ..... قاطعتا كم يوم كم شهر كم سنة

لو كنا قاطعنا صح والله ما كان انسب مرة ثانية

نبا الجنة ونبا الفردوس نبغا نحشر مع الرسول والصحابى ونبغا ونبغا ونبغا ......

لمتي نبغا ؟؟؟ وما نعمل ؟؟؟

صيامنا وصلاواتنا وصدقاتنا والله والله ما تجي نقطة من الي عملوه الصحابى

والله لو تقروا عنهم ... تحسوا نحنا مالنا داعي

مافي مجال ندخل الجنة ان دخلنا بنكون اخر درجة

عمملوا اشياء خياااالية اشياء تدل انهم مسلمين

ناس مسلمة ناس خافت ربها

ناس قدرت ربها

ناس ما باعت دينا عشان هواها

ناس ما كانت تحتاج احد يقنعها عشان تعمل باحكام دينها

ناس عملوا المستحيل عشان يوصلوا الدين لاحفادها

ايوا نحنا احفادهم واحفاد الرسول

ويا حسرة علينا ... احفاد بدل ما ترفع راس اجدادها

ذلت اجدادها

احفاد نسوا دينهم الي تعبوا فيه اجدادهم حتى يوصل لهم كامل

احفاد ما تفتخر بدينها ولا باصلها ولا باجدادها

بنــــــــــــات .....

نحنا بيدنا عزة هذا الدين .... نحنا الي بيدنا ذلة هدا الدين

نحنا الي نربي .....

مو شرط تكون متزوجة عشان تربي لا ... ممكن اخوانك ممكن اخواتك اي احد

خلاص ما نبغا نفتكر الماضي وما نبغا اولادنا والي يجوا بعدنا يعشوا الي عشنا نحنا

بالله البنت ددحين تتزوج ... وهي ما تحترم ربها وتعصيه وتفتخر

ما تفتخر بدينها ولا بحجابها

ما تعرف في دينها الا اركانه والواجبات

وما يعجبها احكامه تاخذ الي يعجبها ولازم تقتنع اول

ياسلااااااام على الام كيف بتربي ...... ايش بتجيب ؟؟؟

حتجيب جيل زي الصحابا والرسول >>> رجااااال

حتجيب بنات ز ي الصحابيات عائشة

ايش بتجيب ؟؟؟

نتيجتها ........ جيل (( لووست)) (( طيحني )) >> ياسلام علي الرجال

جيل (( هيفا )) و (( فيفي عبده ))

ياسلاااااااام ياسلام ....

بنات عزة دا الدين بيدنا ... كفاية خلاص لازم نفكر ولمن نفكر نفكر صح

لازم نعمل احكام ديننا مافي شي اسمه لمن اقتنع

الشي اواجب واجب والحرام حرام

الحجاااااااب واجب واجب مووووووو عادة مووووووووو تقاليد

واااااااااااااااجب

لا تطالعي في الحجاب من ناحية انو ما يخليكي تعيش حياتك ولا عائق في سبيل حياتك ولا يشوهك ويشوه جمالك

لا والله لا

طالعي من ناحية تانية غير دي النظرة

لو سافرتي برة ورحتي متاحف ... وفي متاحف مو اي احد يدخلها ولو تبغي تدخلي تدفعي وما تدفعي شي قليل

ادخلي وشوفي ايش في

في المااااااسة بس مو زي الالماس الي مو جود في السوق الماااسة لا تقدر بثمن

شوفيها ايش عاملين فيها ... حاطينها داخل (( زجاج )) قوي مو قابل للكسر يحتاج الالا ت عشان ينكسر

وغير كذا حوله ليزر

وغير كذا في شرطة ((سكيرتي )) يحميها

ليش ؟؟؟ ما سالتي نفسك ............... لانهااااااا غاااااااااااليـــــــــة لانها ثميـــــنــــــــــة لانها مو اي احد يشوفها

دي انا دي الالماسة انا

دا <<< الزجاج واليز >>> حجابي الي يحميني

الشرطة والسكيرتي ذول اهلي و يحموني

لاني غالية مو اي احد يشوفني ... فهمتوا

ودي القصص سمعناها كثير ... وقصه الشوكلاته..،قصه الورده ...وما اعتقد في احد ما سمع القصص من أمها....!

دا المنطق والعقل لو فكرتي بتعرفي انو كلامي صح

لو جينا ناحية الدين ... اسالي نفسك ربنا راح يوجب عليكي الحجاب بس كدا ؟؟ بس عشان ما يخليكي تعيشي حياتك ؟؟ انتي جاوبي

ولا تنسي كمان فكري في جواب لسؤال اهم

لمن يسالك يافلانة انا اوجبت الحجاب وانتي ما تحجبتي ليش ؟؟؟ >>> جااااااااوبي

شبــــــــاب

حنا محتاجين رجاااااااااااااااااال رجااااااااااااااااااااال ابغا رجااااااااااااااااااااال
يد وحدة ما تصفق صحيح نحنا البنات بيدنا عزة الامة

بس بدون مساعدتكم نحنا ما نقدر نعمل شي

نحتاجكم نحتاج رجال

ابغا رجال

انتوا احفاد الرسول والصحابة

انتو احفاد حمزة بن عبدالمطلب (( اسد الله ـ سيد الشهداء )) >>> كان يحارب بسيفين

انتو احفاد عمرو بن معد يكرب .... يعادل 1000 رجل >>> من شجاعته

انتو احفاد عمر بن الخطاب (( الفاروق )) >> من شجاعته ادخل المسلمين المسجد الحرام وصلوا حول الكعبة بدون أن تجـرؤ قريش حتي انها تمنعهم

غير الرسول و ابو بكر ..... الخ

المعتصم بالله .... الي جهز جيش وفتح عمورية عشان امراءة قالت واااااه معتصما

دولا اجدادكم ... تعرفوا ايش معنا ذا الكلام

معناته انتو زيهم انتو في دمكم تجري ..... <<< الشجاعة ـ عزة النفس ـ الرجولة ـ الحكمةـ الشهامة ..... دا انتو ... >>

حرام والله يكون احفاد الرسول والصحابة حق خمر وحق بنات وحق لو ويست وحق ذل

انا مني انسانة كاملة ولامطوعة ولا تحسبوني وحدة كبيرة عشت حياتي وجاية اتفلسف

لاااااااااا انا انسانة افتخرت بديني فكرت ودا نتيجت تفكيري لا تحسبوا كلامي من شريط ولا كتاب

لا والله لا

لو كل واحد فينا بس فكر وفكر صح بيوصل لشي شي تاني شي رائع ... والله انكم تبيعوا الدنيا بلي فيها

انا انسانة ابغا اكون سبب من اسباب عزة ديني

وذا السبب الي خلاني اكتب كل شي في نفسي واحطه

خلاص الي فــــــــات مــــــــات

لازم تعرفوا انو الاسلام راح يعتز اليوم او بكرة او بعده او الشهر الجاي او السنة الجاية ......

بس انتو اختاروا

1) تستنو الي يعز الاسلام و تفرحوا بعزة الاسلام

ولا

2) تكونوا انتو سبب من اسبـاب عزة السلام انتو من اللي يعزوا الاسلام

انا اخترت .... و قررت ..... وبدات

سوالي

ميــــــــــــــــن معـــــــــايــــــــــــــا ؟؟؟؟؟؟

اعتذار :: اعتذر اني كتبت بلهجة عامية حاولت بالفصحى بس ما قدرت اعبر عن الي في نفسي حسيت العامية اسهل

اعتذر ان جرحت احد بس دا كلامي ودي افكاري ان شفتوا فيها غلط قولولي ونبهوني نحنا مسلمين ولبعض وننصح مومشكلة

اعتذر عن الاطالة

وفي النهاية اقلكم كل عام وانتو بخير بمناسبة الشهر الكريم

عزوبي الرياض · 01-09-2008, 06:03 AM

موضوعك بالساحه الاسلاميه مووو هووون...

واذا صارت العاده عباده.. وش نسوووي

خنفشارية · 01-09-2008, 06:17 AM

انا ماني فاهمه....

انت تقصد لو صارت العباده عاده....!!

فهدي مصيبه واكبر مصيبه..

وما اقدر اقول غير

لاحول ولا قوه إلا بالله...!!

لكن ادا صارت العاده عباده مثل ايش..؟؟؟

وادا عن القسم..

انو الموضوع إسلامي صح...

بس انا هنا بتكلم عام...ما بجيب حديث او حكم او اي شي من الاسلام..

انا بتكلم عن الاسلام بشكل عام

بس ماعرف على كيفكم..

ادا شايفين انه مناسب في قسم الاسلام اكثر من القسم العام ماتفرق عندي المهم الفايده ويوصل كلامي...

ومشكووور على مروورك

فاصله الطبلون · 01-09-2008, 06:38 AM

الحمدلله الدنيا بخير دام فيها ناس تفكر مثلك

للاسف ماقدرت اكمل قراءة الموضوع كله لان فيني نووووم

عزوبي الرياض اتمنى ماتصدق ان العاده عباده

لان هالرد ماراح ينفعك تجاه ربك

الله حط احكام وفروض ومحرمات

وانت تركتها كلها يعني

ومشيت ورا العاده اللي حطتها الناس

!

حتى لو كانت العاده انك تصلي بالمسجد مثلا

لازم تحس داخلك بكل مره تروح للمسجد

انك تروح تصلي عباده مو عاااده تعودتها من الناس ..

خنفشاريه طرحك واسلوبك عجبني صراحه

بس ماكانك شوي معصبه ع اللي قاعد يصير

..

ياستي لي باك ان شاء الله بعد ماكمل قراءة الموضوع

..

خنفشارية · 01-09-2008, 06:49 AM

فاصلة الطبلون.... ياناسووو عليكي وعلي ردك

انت ما تعرفي التوتر الي جاني وانا اكتب ولمن جيت احطه والله احطه وانا خايفة ...

ما اعرف ليش ؟؟؟ عارفة انو صح والمفروض ما اتورت واخاف بس ما اعرف ممكن عشان اول شي اكتبه من جد ما ادري

مشكوووووووورة مشكوووووورة واسعدني مرووورك واسعدني كلامك اديتيني طاقة هههههههه

بالنسبة معصبة مو بس معصبة الا قروني الفوشي طالعة والزايدة جت وانفجرت خلاص والسكر والضغط طلعوا ههههههههههه

والله حالنا يبكي انا اكتب وانا ببكي ههههههههههه

بس زي ما قلت عزة الاسلام بتجي بتجي وان شاء الله كلنا نكون من الاسباب الي تعز الاسلام

ومشكووووورة على ردك >>> البنت عنجد فرحانة هههههه

مجموعة إنســ ن ــا · 01-09-2008, 07:17 AM

وأنتي بخير....

صرااحهـ موضوعكـ رآآآئع واضح غيرتكـ على دينك والخووف على هذا الدين ...

وكلي أسف لا اجد تعليق يليق بموضوعكـ لانه كل كلمهـ قلتيهاا معكـ حق فيهااا....

اقتباس


	(( لمن اوقف قدام ربي ويحاسبني ويسالني .... انا حرمت عليكي تكلمي اجنبي عنك ....... وانتي اتكلمتي ؟؟؟؟؟ ليـــــــــــــــــــــــــــش ؟؟؟ )))

لاجواااااااااب....غير الله يتجااااوز عنا...

خنفشاريهـ

يعطييييك الف عاافيهـ
أرق التحايا

) أديم ( السماء · 01-09-2008, 07:26 AM

ياقلبو انتي
كلامك مره يجنن
وربي كلام صحيح
وللاسف بكل خجل اقولك ماعندي اجابه
ذنوبنا مغطيتنا
ياربي تهدينا
يجزاك كل خير
اعذريني بجد
مااحس اني اقدر اجاوبك وانا كذا .......

كل الشكر لك عزيزتي

صاحبه السمو · 01-09-2008, 08:26 AM

مااراح ازيد على كلام اخواني

:::
طرحتي وابدعتي يالغاليه

::

الف شكر

خنفشارية · 01-09-2008, 09:59 AM

مجموعة انسان .... الله يعافيكم ويكفيني تواجدكم في صفحتي

عشق انثي ..... و الله انتم الي ياناسوا عليكم ... ومشكووووورة والله كلامكم هو الي يسعدني ويحمسني ولا تعتذري ولا شي انا ادري انها اسئلة صعبه بس لازم نفتكرها .....

بنت رزة .... مشكوووودة علي مروووك ويسعدني وجودك في صفحتي

مشكووووورين الكل الكل والله العظيم انكم تسعدوني وتفرحوني بكلامك وجودكم مشكووورين عنجد الف شكر

]$[Uno Cool]$[ · 01-09-2008, 11:11 AM

لا تعليق ,,

بصرااااااااااحه كلامك ميه ميه ,,

ما عندي شي اقوله موضوعك قوووووي بجد ,,

يسلمو خنفشاريه ,,

اختك :: اونو كول ,,

سمآ الريآض · 01-09-2008, 01:11 PM

طرح رآآآآئع

يعطييكـ العافييهـ يالغلآ

غرام الليل · 01-09-2008, 02:53 PM

و الله انا معك اختي بكل شي حكيتيه

كلام في الصميم و ليت الجميع يعي و يفهم حقيقة الاسلام

و تطبيق مبادئه

بصراحة كلمات و احرف قاسية ولربما جارحة بس هاد الواقع

الف شكر على الطرح المميز و الهادف

يعطيك الف عافية

مـيـــن معــايـــا ؟؟؟ (( ان كنت تجرأ جاوب ))

المنتدى العام