ابغى تعليق جاااااااااااااامد (1)

) أديم ( السماء · #1 (**permalink**) 02-09-2008, 06:26 AM

رساله خرافيه جداجدا بس اعجبتني وحبيت انكم توسعون صدوركم فيها

مآلكم بالطويييله !!

فتحت مدرسه ثانويه جديده في حارتنا تسمح بالاختلاط .. واسمها ( هيا نتغازل ) طبعا أكييد البنات ساارعو بالتسجيل

ومن أولهم طبعاً وأكيداً أنا وصقيقتي نجوول << مشاافيح

في منزلنا :

انا : يبااا تكفاا ترا تكفاا تهز الرياجيل

أبوي : تم

أنا : والله

هو : ايه << ايه بالمشمش

مادامها أحلامي خلني أحللم بدون عذاب وان ابوي رضا بكل بساطه

بيت نجلا :

نجلا : أبوي تراي بسجل في مدرسة الاختلاط

أبوها : كيفك مانيب دافع ولاقرش << مااش جععص

هي : خلاص زين امي تدفع

وسجلنا والله وقبلونا ولله الحمد .. ورحنا للسوق وشرينا مايلزمنا

اليوم الأول :

أنا من الساعه خمس ونص لابسه ومتجهزه ..

نجلا باقي نايمه تتحلم باللي بتشوفه

وتدق الساعه 6 !!

حتى ماودعت اهلي مابي الا فرقااهم

واننزل بسررعه حتى فطور مافطرت وأتل سلطان اخوي << يعني محرم

ونرركب السيااره ونتيير للمدرسه .. وانا طول ذا الوقت في حالة ترقب

المهم وصلنا للمدرسه.. والسيارات برا أشكال والوان وأنزل دااعسه الطبلوون 100

وأدخل للمدرسه .. وأشيل غطوتي << الحين اختلاط

وفجأه !!

من أول مادخلت والا ذاك المملوح اللي يخززني خقيييييييييييت خقتتن ميهيب صاحيه

طبعا تبادلت الخزاات بيني وبينه واستمرت لساعات لين منعني حيائي
واقوم انزل عيوني واكمل طريقي ومع اني ندمت اني نزلت عيوني طول حياتي ..

وتوني خاطيه خطوتين للأمام والا بوجهي نجلا تووزع ابتساامات

وأأشر لها من بعييد تآكسي <<

وتجيني مستاانسه انها شافت أحد تعرفه

نجلا : هلا نوره .. نوره : لا هلا ولا مرحبا يالخااينه وشووله تسبقيني

نجلا : سيارتنا سريعه .. نوره : خلاص على شحم << سيارتهم مخيسه

وفجأه !!

ينادون اسمنا بالراديو مدري وش يسمونه

نجلا الدوسري .. نوره المطيري يتوجهون للاداره للظروره القصوى !!

طلععت عيوننا نبي نفهم وش القصه !!

ويجون طلاب النظام ( هذولا نفس الشرطه يعني )
ويمكسوننا ويركبونا سيارتهم الصغيره ( سيارة القولف )

وفي الطريق ..

نجلا : ياربييه وش سويت بدنياي انا .. نوره : من اول يوم للاداره !! يالله سترك بس

وشوي ولاذاك الأطخم اللي مر علينا وشكله ولد نعمه

نوره ونجلا طاارت عيونهم ..

نوره : وقققف ياصديق .. نجلا : رفييق وقققف يرحم امك انا يعطي 100 ريال

قال : أقول تلايطي أنتي معها لاتجيكم النعله
نوره ونجلا :

وانتبه لهم الأطخم ولد النعمه طبعا وراه البودي قارد تبعه

أششر لهم باصبعه وقام يطالعنا كنه ناوي على شي

نجلا : نويير شووفي كأنه يطالعنا .. نوره : ههاي لاحبيبتي هذي أحلام اليقضه

وصلنا للاداره ونزلونا طلاب النظام ودخلونا داخل لمكتب المديره

وفي مكتب المديره دار الحوار الأتي : <<

نجلا + نوره : طق طق طق

المديره : من هناك ؟

نجلا ونوره بصوت واطي : اخخص تتكلم فووسحه

المديره : من ؟ << مسكينه خافت

نجلا ونوره : نحن << ياشين التقليد

المديره : تفضلو

دخلنا ودرعمنا سييده وقعدنا ع الكراسي << عجلين

المديره : من سمح لكن بالجلوس !!

نجلا : حنا

أنا : يا أيتها المديره وشوله مستدعيننا ؟

المديره بضحكه ساخره : أنتم طلاب السنة الاولى أليس كذلك !!

حنا : كذلك

المديره : أنتي يانوره لقد اشتكى عليكي طالب من طلاب السنة الثانيه

نوره: منهو ؟

المديره : اسمه تركي ... والشكوى .. قال بأنك خالفتي قانونا من قوانين المدرسه

نوره : لييه وش سويت !!

المديره : لقد قال بأنكي نظرتي اليه في الصباح ثمن أنزلتي عينيكي ورحتي .. هل هذا صحيح !!

أنا : طبعا صحيح

المديره : وأنتي يا نجلا لقد قطيتي رقمكي على الفراش !!

نوره : ههههههههه يلعن أبو الذووق عاد مالقيتي الا الفراش

نجلا : على تبن لو تشوفينه والله ان تقطينه وراي

المديره : من سمح لكن يا أيتها ( مششفر ) << خربتها المديره

حنا: أقول عاد مدري وش أنتي يآ ( مشففر ) << خربناها معها

والله ونطمر عليها وابتدا الترفس وتمععط الشعور و ....... الخ

وفي هذه اللحضه !!

دخل الأطخم ولد النعمه للاداره وقال : فككييهم لألعن خيرك

حنا : نطالعه بعيون متلألأه << يعني خااقات

قالت المديره : ولكنهم لم تطبقن القوانين !!

قال : أقول الفقيهاا بس .. تعالي أبيك بكلمة راس
وراحت له ومدري وش قال لها

قام هو أشر لنا قبل ماطلع وقال : خدمه ثانيه ياحلوين

حنا بصوت واطي : يلعععن أبووه << خقوو
الزبده انها جات وقالت لنا خلاص انتو ماتعرفون القوانين بنعطيكم فرصه ثانيه

وعطتنا ورقة القوانين

التي تنص على :

1- اذا طالعكي شاب يجب أن تطالعيه حتى ينتهي
2- عدم مغازلة الفراش والفراشه نهاائياً
3- عدم التستر داخل المدرسه
4- يسمح تصوير الشباب أو البنات سواء كان برضاهم ولا غصبن عنهم
5- عدم الذهاب لمكتب المديره الا في الحالات المهمه يعني ( ماهوب كل مازمر عليك احد جيتينا تركضين !! ترا محنب فاضين لك )
6- يسمح الهرب من الحصه فقط مره في الشهر
7- عدم ذهاب الشبان الى مضاجع الفتيات والعكس صحيح يعني ( كلن ينام بمضجعه مانبي تسرب )
8- ترقيم البنات فقط في وقت الفوسحه ويمنننع منعا باتا في الحصص

حنا بعد ماقريناها : يللعن أبو الفله

وطلعنا .. ورحنا للمضاجع شايلين شناطنا معنا

طبعا اللي يقودنا واحد من طلاب النظام

( قررد يجيب المرض يلبس نظارات وحاط تقويم وأبيض <<تكره البيض )

وصلنا للمضاجع وفي أثناء ذلك !!

قال: تفضلي يانوره : أنتي هنا في الغرفه رقم 172ونجلا أنتي مناك في الغرفه رقم 170

حنا : على كييف أبووك !!

نجلا : نبي مع بعض

قال : كأن الامر بيدي ان المديرة الملعونه هي التي فرقتكم

حنا : الكللللللللبه

ورضينا بالقضاء والقدر وخمينا بعض وكل وحده اتجهت في طريقها

انا يوم دخلت غرفتي ..

واشوف ذيك البنت ترررقص وحااطه السماعات باذنها ومغمضه عيونها << يعني مندمجه

أنا :

وادخل واقول في داخل نفسي : وش ذا البليه اللي قطوني معها يالله سترك بس

وأحط أغراضي وأقعد ارتبهم في دولابي

والا تحس ذيك الخبله اللي ترقص وتقول : أووه يو أر ماي روم ميت

أنا : يس أي ام

هي : هاي .. أي أم .. جيسيكا .. أند يو ؟

أنا : أي ام نوره

هي : أوه نايس تو ميت يو

انا في داخل نفسي : يا... بعد أجنبيه كملت

ورجعت وكملت اغنيتها وانا كملت ترتب أشياائي

في غرفة نجلا ..

نجلا دخلت وطاحت ع السرير تبكي على فرقاي

واللي مع نجلا بنفس الغرفه قالت : أرررحبو

نجلا : ضفي وجهك والا ترا بلعن خير خيرك :

البنت : هههههه الدعوه فوضا تلعنين خيري .. وش فييك تبكين !!

نجلا : وش لققف امك أنتي

نجلا بصوت واطي : لحوول وش ذا الحظ حتى خويتي بالغرفه مروحه

الزبده ان البنت طلعت عربجيييه وطعععسه لأبعد الحدود واسمها أمل << تنااقض

وفجأه !!

قال الراديو : طلاب السنة الاولى يتوجهون للمسرح

وطسينا للمسرح حنا وصديقاتنا اللي تعرفنا عليهم جيسيكا وأمل

ودخلنا الا النااس زححححممه والكرااسي مخاامط .. والله وترووح هالخبله جيسيكا بحكم انها طويله وتخم لنا أربع كراسي

ويمروون طخووم السنه الاولى طبععاا حنا سححنا في مكانا

وجلسنا وتدخل الحقيره ( المديره )

وتمسك المايك مليون ألف سااعه وولا كلمه فهمنا الا :

ان كل بنت لازم تكون لها شريكه في غرفتها وممنوع تبديل الغرف وكل بنت لها لاب وجوال من المدرسه نفسها وممنوع تجيبين معك من البيت واللي جايبه معها أحسن لها تودعه

وفي نهاية جملة المديره : وشوكرا لحسن استماعكم

جيسيكا : هاو أي كان سي ويلكوم ان أربيك ؟

نجلا : لأنكي الله ( لعنكي الله )

جيسيكا وااقفه وتصاارخ : لأنكي الله لأنكي الله

المديره بصررخه : أخرجوووووها

جيسيكا المسكينه تلووها من المسرح كانها حماره

وتصاارخ على نجلا وتقول لها : أي ويل كيل يو

المديره : فتيات أخر زمن

المديره : الأن ياطلاب سياخذونكم طلاب النظام ويورونكم باقي اجزاء المدرسه

وودونا وشفنا أجزاء المدرسه وشفنا الطخووم اللي فيها واكتشفنا ان أطخم شي سنه ثالثه

وحنا بالطريق راجعين لمضاجعنا ..

مر الأطخم ولد النعمه
وشاافنا وغير طريقه واتجه نحونا

هذا كله بتعرفوونه بالجزء الثاني

سمآ الريآض · 02-09-2008, 06:46 AM

ههههههههههههههههههههههه

يعطييكـ العافييهـ

sweet heart · 02-09-2008, 06:47 AM

هههههههههه

اومااااااا عاد ذي مدرسه

بس حلوه القصه استمعت وانا اقراها

يعطيك العافيه اديم السما

وونتظر الجزء الثاني

) أديم ( السماء · 02-09-2008, 06:52 AM

دوووووووووووووم هالضحكه تملأ قلبك
سما الرياض

يعطيك العافيه

) أديم ( السماء · 02-09-2008, 06:54 AM

سويتي تخييلي المدرسه واحنا بنات الخالات وسمر وسيد الغنادير وحبيبه صلاح فيها
انواااااااااااااااااااااااع الزحف
هههههههههههاي

يعطيك العافيه وبكملها هي اكثر من 4 اجزاء