طاش ماطاش التايواني

مقدمه .
في هذا الزمان المُر .. أصبح المال هو تفكيرنا .. كل(ن) هدفه جني المال قدر المستطاع .. احد(ن) ينهمك في شغله اثنعش ساعه وياخذ دوام مسائي على شان يطلع له راتب يكفيه ويعشي عياله
.. واحدن يتسلّف ويموت مديون كله على شان يعيش كريم .. واحدن يسرق بيت جاره ويسرق في عمله ويزّور في معاملات الناس على شان يوفر لقمة العيش بأي وسيلة كانت ..
وواحد يسرق عشان يقط مع اخوياه بأستراحه .. هذا مدخل حلقة اليوم من مسلسل الثنائي الزاحف ..


حمزة : شاب حجازي يافع (كووول) ابوه ثري وعايش على دراهم ابوه وإلا هو حافي منتف لاوظيفه ولاغيره بس الله يخلي ابوه هالكاش ..

ابو حمزه : ابو هالكمخه طبعا , ويصرف على حمزه دراهم لو اعيش طول عمري ولا ادفع ولاريال واجمع رواتبي كلها والبدلات وغيرها ماجبت ربع ثروته ملعون الوالدين .. ودايم يغثنا بجملته المعروفه
(إييش بك انتا!! لايكون جرا لك في مخك حاااجه !!)

ساطي : يسكن في النظيم .. سواق تاكسي عربيد راعي خربطه ولف ودوران زقارة الحشيش ماتطيح من ثمه ماعنده مشكله يقلب على ابوه ويتبرى منه على شان الدراهم ..

فايح : شخصيه مالها دور بس يقرب للمخرج واضطرينا ندخله



القصه:

حمزه : يااابويا , انا قولت ئللك عاوز فرحي في اضخم فووندق في جيييده ..

ابو حمزه : ياولدي إنتا عارف إنو تكاليف الزواج كوولها ماهمتني لكن انا خايف من العين اللي حتصيبك في يوم زواجك ..
ياولدي الناس ماترحم والحسد صاير زي برّاد ابو اربعه في الديره هااادي ( ابو حمزه اشتغل سنتين في الرياض في شبابه وصار يعرف براد ابو اربعه خخخخخخخخخخخخخ )

حمزه : ياابويا انا وعدت نسرين في باريس إنو فرحي يكون مدته تلات ايام في المملكه وتلاته برا .. وبعدها نبدا شهر العسل وندور في اوربا كووولها ..

ابو حمزه : حاضر ياولدي بس انتا هدي نفسك ونعنش روحك وهيَا قوم شوف اشغالك واشتري توب فرحك ..

حمزه : يابويا انا قولت ئللك إنو حشتري توب فرحي من مشار اللي بالرياض .. وجزمتي كمااان وحشتري كده كم حااااجججه من الرياض لنسرين حابيبتي

ابو حمزه : ياولدي ايش فرقوا اسواق جيييده عن الرياض !! ماكوللها بلد واحد !! إييش بك انتا!! لايكون جرا لك في مخك حاااجه !!

حمزه : يااابويا انا حمزه كجمغلي لازم البس احلى التياب ! وإلا اييش عاوز الناس تقول عن ولد ابو حمزه ! لابس توب فرحوو زيَو زي المعازيم !!
يبويااا فيه واحد في الرياض ينقووش على التياب كده حركات كده كده (يأشر باصابعه يعني حركات اووووكي !! )

ابو حمزه : وإمتى عاوز تروح ياروح امك !! فرحك ماباقي عليه إلا اسبوع وإنتا عاوز تروح تفصل بالرياض !! إييش بك انتا!! لايكون جرا لك في مخك حاااجه !!

حمزه : يابويا انا حجزت على رحلة الساعه خمسه اليوم العصر يعني كمان ساعتين وانا رايح للرياض .. وإن شاء الله حرجع قبل فرحي بيوم بس انا عاوز الفلوس حقتي كوولها دحييين
إديني الروبعميَة الف اللي قولت ئلللَك عليها ..

ابو حمزه : يياولدي استهدي بالله !! من فين اصرف لك روبعمية الف ريال دحين !
إييش بك انتا!! لايكون جرا لك في مخك حاااجه !!

حمزه : يعني إيش يابويا اروح للرياض بدون ولاملـَيم يرضيك حمزه ولد ابو حمزه يسافر وفي جيبه مافيه غير قووطن الغسيل !!

ابو حمزه : الله يشقيك ياولدي زي ما انتاا مشقيني .. اقوللللك .. خود هادي البطاقه وفيها كول فلوسي وخود منها الروبعمية الف وسيب الباقي .. دي اموال الشركه ..

حمزه : عيب يابو حمزه انا ولدك !
وانطلق حمزه الى مطار جده ...قاصدا مطار الملك خالد الرياض ..
إش الصحرا هااادي لايكون الطيار مودينا للربع الخالي وهوَا مايدري .! (حمزه يطل مع الدريشه ويسولف على عمره !)



وفي احدى استراحات السلي :
ساطي وصديقه فايح يحششون وداخلين جو ..

ساطي : حرام بالله ياولد ان الحشيش هذه منتاز .

فايح : ابك يا ولد صجيتنا كل ما اخذتا زقاره قلت منتاز (( سديراوي ولا يعرف يمثل بس وش نسوي يقرب للمخرج ))

ساطي : ابك يا ولد عااااجبني .. المهم يا ذيبان .. خدم لزم (( يعني تامر شي عند البدو ))

فايح : ابد والله سلامتك يا ولد بس وين بتروح

ساطي : ابعاين المطار يمكن يجينا رزق ياولد .

فايح : الله يشتر عليك فمان الله ..

في المطار :
تعلن الخطوط الجويه السعوديه عن موعد قدوم رحلتها رقم 1600 والقادمه من جدة ..
حمزه : ايييش هاااادا .. ايش الحر هادا .. وكمان حاطينها عاصمه بلا فشكلهم .
نزل حمزه من سلم الطائره واتجه الى البوابه ولم تتعدى اقدامه البوابه حتى اجتمع عليه اصحاب التكاسي الا ان من بينهم واحد بجيح سوى له حركه ميب زينه ..

انطلق ساطي على الفور وسحب يد حمزه وهو يقول : تكسي يالحبيب .. رضا حمزه بالأمر الواقع ومضى مع ساطي الى سيارته ..

ساطي : الحمد لله على السلامه يا ابو ... الا وش عندك بالرياض ؟

حمزه : الله يسلمك يا ابويا ... والله يا ابوياااا فرحي الاسبوع الجاي , فقلت انزل للرياض اشتري لي كم توب كدا من مشار وكم جزمه واشتري حاجه كدا لحبيبتي نسرين ..

ساطي يحك ذقنه وقد حس بأنه وقع على فريسه ويقول : على البركة .. منك المال ومنها العيال .. دام الماضوع فيه عرس حرام بالله ما اخذ منك ريال ..
انت عريس ومحتاج .. لا وابشر بالعانيه

حمزه : ايش بك يابوييااا تهرج كدا بسرررعه !! وإيش كمان العانيه هاادي .. بدينا بالكلام الوييصييخ ..

ساطي يقاطعه : يا ابن الحلال العانيه هي فلوس يعطونها الناس للمعرس , ابك انت وش فيك !

حمزه : اها قول كدا يا ابويا .. لا والله مشكور الحمد لله الحال ميسور .. انا ابويا اداني البطاقه حقت البنك وحقك لازم تاخدو .

ساطي : اعققققققب .. اخوووو ساااره .. وش اللي ميسور يارجال اقول لك عانيه تقول لي ميسور .! ابك انت من أي العرب !

حمزه : (منلخم) يابوياااا إيش هوا الكلام هادا ! إيش يعني أي العرب ! انا من السعووديه وابوي سعودي وامي مصريه ! يعني من اي العرب حنكون يعني !

ساطي : إيييييه ابوك سعودي وامك مصريه (يفرك شنبه باليمين واليسرى بين رجليه )

حمزه : إيييوا , وبعدين إمسك الدركسون وإنتبه وانت تسوق السياره مافي داعي نسوي حادث كمان ..

ساطي : إلا تعال ياحمزه قل لي .. انت الحين اول مره تجي للرياض (نظرات ثعلب )

حمزه : إييييوا هادي اول مره انزل للرياض فيها ..

ساطي : طيب , ماودك قبل لا اوديك للفندق اللي انت نازلن فيه نتمشى واوريك الرياض ونسربت شوي !

حمزه : واللهي فكررره مهي بطَاله .. منها كمان اشوف الفرفشه هنا بالرياض كيف عامله ..

ساطي : إييييييييه اجل انت من النوع اللي تحب تفرفش ؟

حمزه : يابويا انا بجيييده كل اصحابي كووول ونفرفش سوا ونسهر للصبح كمان ..

ساطي : ابك على بركة الله والله لا اخليك تفرفش بيديك ورجليك ..

حمزه : هههههه هههههه هههههه (ضحكة الحجز متقطعه دايم ) فين حتوديني دحين ؟

ساطي : ازهلها يارجال والله لا اخليك تنسى امك وابوك ..

حمزه : هههه ههههههه ههههههه الله يقلع شيطانك ياشيييخ والله انك نكته ..

ساطي : ابك انا النكته ياولد المصريه ..!

حمزه : هههه هههههههه هههه (سبهه مايدري ان ساطي زعل )

ساطي اخذ حمزه لم مقهى الشيشه بالفحص الدوري عند اخوياه وخذ لك تنكيت على كيف كيفك وانواع الذب والضحك وحمزه مبسوط ويضحك .. اخويا ساطي طبعا كلهم
إللي سواق تريله واللي كدَاد في سوق خضره يعني من حفره لدحديره .. وهالكاش قاعدين بينهم .. وساطي وربعه ماخذين هالكيوت الكول حمزه مسخره لهم
اللي يذب على شعره واللي يذب على طريقة كلامه واللي يذب على اللو ويست اللي هو لابسه .. وطبعا من تحت لتحت الذب وحمزه الكيوت مايدري وين الله حاطه فيه .

ساطي : يالله يالربع انا استاذنكم .. خدم لزم

اخوياه : وييييييين يبو السواطي ؟

ساطي : والله بودي حمزه لم الفندق واروح عندي خشششششه اليوم على افالون جديده جايبينها لي الشباب .. ابلعن والدي والديها إلين ماتكح ..

اخوياه : كفووووو اجل الليله وناستنا في الفروسيه على يدينك ؟

ساطي : ابشروا بالوناسه حرام بالله ان تشوفون الدوريات تلاحقني تسنهم ذبان يحومون حول بيَاره ..

حمزة في وسط هالحتسي منلخم وساكت ولايدري ذولا وش يحتسون عنه ! ولكن سرعان ماطأطأ رأسه وطلع ورا ساطي ولاسلَم ولاهم يحزنون ..! كان همّه وشاغل باله سالفة
(الخششششه ) ووش علاقتها بالدوريات ومنهي اللي تبي تكح !! ركب السياره وهو لازال يفكر .. قطع تفكيره حينما قال .

حمزه : دحين ياساطي إيش هيّا الخشه والكلام اللي كُنت تقولوه قبل شويَه !

ساطي : ابك انت ماتفهم كلام العربان ! يخوك اليوم عندي خشششه خشششه ماتعرف وشهي الخشه !

حمزه : يابويا وانا إييش بيعرفني إيش هيَا الخشششه هادي اللي تحكي عنَها !

ساطي : ياويلييييه ابك هالوريع وش يب يفهمه !! , تدري شلون .., انت منتب فاهم وشهي الخشه إلا لامنَك خشيت معي !انت مملوح وزين وزودن على كذا
لابسن هالمقوصر هاللي مطلعن مقفاك وساترن وجهك ! تسنك وحدتن من هاللي يتمرقصون بالانترتت ..

حمزه : يابويا انا دحين ماني فاهم إييش الهرجه ! ولاني عارف كلامك الأول عشان افهم كلامك التاني ! بعدين إييش بك انتااا كدا هرجك سريع . كنو في اسد يلحقك هههه ههههه

ساطي : ابك يالعنبو اللي انت ولده بس ! اجل اسد يلحقك والله لو انك قايلها عند الشباب ان يقبرونك في وسط راس المعسل ياهالوريع ,المهم بس انت تبي تعرف وشهي الخشه ؟

حمزه : إيوا عاوز إعرف إييش هادي الخشخشه .

ساطي : (يمد يده تحت المرتبه وهو سااااكت ويتلفت ويطلع الصاروخ ويمدَه لحمزه )

حمزه : إيييش هادا كمان ! دوووخان !! يابويا إييش بك انا قبل شويَه شوووفتني ما اشيش دحين تديني دووخان !!

ساطي : ياولد خلك رجال لو مره بحياتك وذق طعم الفرفشه على قولتك واترك عنك الخكرنه والتمايع !

حمزه : طيب انا واللهي مافي مره بحياتي شربت دووخان ولا معسل بس هالمره هااادي على شان اثبت لك بس إنو ماني خكري ولاني متمايع ..

ساطي : أنا اشهههد إنك تب تزحف إلين تنحف . وعقب هالزقاره تب تشوف الدنيا اررربع ..
وإن شاء الله لامنَك صرت راعي خششششات تب تقروع الين ماتوقع على جنبك (طلاسم بدو لاتحاولون تفهمون )

حمزه : يابويا ماني فاهم حاجه منك .. بس دحين علمني إيش اعمل بهادي الخشششه اللي اديتني هيَا !

ساطي : ياوليييه وش اللي بلاني فيك ياولد المصريه ! يبييي هاذي زقارة مهيب الخشه ,, الخشه نب نروح نخشها بالليل !

حمزه : طيب إييش اعمل بهادي الزقاره .!

ساطي : والله لولا العيب واني مستحي من المشاهدين إني لا اقولك ابررمها تراك حومت تسبدي !
وش تسوي بها يعني ! يخوك حطها في ثمك جعل ثمك اللي مانيب قايل وولعها وخذ لك موشه موشتين الين ماتحس إنك تسبح في السما ..

حمزه : يابويا إنتوا هنا بالرياض زاااحفين ومجانين كمان.. اجل بزززمَتك فيه احد يسبح في السما ! ماهي المسابح كتييير عندنا في جيييده ..

ساطي : (ياخذ الولاعه ويولع الزقاره لحمزه وهو يتحلطم بطلاسم بدويه حتى الكاتب عجز يفهمها خخخخخخخخخخ )

حمزه : كح كح كححح كحكح كحكح يخرب بيتك إيش هادا طعمها مو كويس !

ساطي : يالعنبو جدك هذي تسيل الدمامين وتطير الارقاب وتموت ارواح وتزهق انفس على شانها وانت تقول طعمها موش كويس اشفط ياجعلي اشفط دريهماتك قل امين .

حمزه : آآآمين ( حمزه بدا يفهّي ويموّش وياخذ من الحشيش جرعات ورا بعض )

ساطي : إييييييه بعدددددي هذا والله لاقالوا لك رجال ويفرفش صحححح مهوب اول تسنك حمارن تدربي رويسك ولاتذوق حلاوة الدنيا ..

حمزه : كح كح واللهي ياسااطي إنوا هاااادا الشي احلى شي ذوقتو بحياتي كووللللها .. طيب ياساطي انا عاوز زقارتين من هادا الشي ليّ وحده ولنسرين حبيبتي وحده كمان.

ساطي : هههههههههههههههههههههههههههههههه ياوالله اللي بيفضح بنا هالوريع ! (يقولها في نفسه ) ابششر ابشر ياحمزه بعطيك لامنَك بغيت تروح اللي تبي لك ولنسرين وامك وابوك ..
يخوك اهم ماعلينا راحتك وراحت جيبك ودراهمك ..

حمزه : يابويا إنتا لو تبغى موية عيوني شوفتها هااادي هااادي شوفها (دخل اصبعه جوا عينه من كثر ماهو متحمس ) اديك هيّا وبدون مقابل ..

ساطي : لا ياحمزه يابعدي انا مابي موية عيونك الحمدلله اكثر ماكثر الله عندنا المجاري في هالرياض .. بس انا ابي اطلبك طلب وناخيك لاتردني وانا اخوك ..

حمزه : يابويا إيييش بك انتاااا لو تطلب موية عيوني شوفتها هااادي هااادي شوفها (دخل اصبعه جوا عينه الثانيه من كثر ماهو فااااقد ) اديك هيّا وبدون مقابل ..

ساطي : يخوك قلنا لك تسلم ياخخخي ..(قفلت معه) بس انا السياره مابها بنزين وودي لو تعبي لي وارجعها لك بكرا ..

حمزه : يابويا دحين وقّف عند اقرب صراف واصرف لك فلوسي كوولللها وإذا تبغى كمان حاجه زايده قووللي بس اهم حاااجه لاتنسى تديني زقارة لنسريين عاوز اهديها هيَا لمّا ارجع لجيييده ..

ساطي : ابك وهاذاني وقفت لك عند صراف ياحمزه تبي تصرف وإلا انزل اصرف عنك ..

حمزه : لايابويا انا تعبان وما اشوف حاااجه بالله انزل انتااا واصرف حق البنزين وتعال بسووررعه عشان اول ماتخلص الزقاره هادي تديني وحده تانيه .. لأنو طعمها بالمرّه رررهيب..

ساطي : ابشر بها ياحمزه والله لو تبي حشيش الرياض كله والله لا اجيبه لك .. ابك هما معك اربعمية ! ابك ياشيييخ لو تبي اشتري مصانع الخرج كلها ماعاقت معي ..

حمزه : ههههه ههههههههههههه ههههههههههههه (مالها دخل ذا الضحكه بس فاقد وش اسوي له يعني !!!! )

نزل ساطي ملعون الصلايب وهو يترنح ويرقص فرحا وطربا ويشكر ربه على ان هالحمزه طاح بيده ماطاح ببدوي ثاني يزرف حلاله (يعني ساطي مسوي بريء ! )

طبعا صرف خمسة الآف ريال طقَة وحده .. وحطهن بجيبه .. وطلع من بوكه عشرين ريال وعبَى بنزين للأفلون (المسروقه) على شان الخششششششششه ..
حمزه : دحين إحنا فين حنروح ؟

ساطي :ابك انت ماتبي تخش معي ؟ هماي قايلن لك ورانا خششه !؟

حمزه : إيوا إيوا افتكرت يالله يابويا احسن تقفل ومايحصل لنا نشوفها ..

ساطي : ابك وش اللي تقفل خذ لك بس من هالزقيَره واترك عنك لامن وصلنا للخشششه علمتك ..

حمزه : لاتينسى تجيب وحده كمان لنسرين حبيبتي ..

ساطي : ياذا النسرين اللي في كل محل وكل شي تبي تجيب لها منه ! نعنبو حيك اوص لحدن
يسمعك ويحسبها رقاصه !

حمزه : إيييش عرررفك ياوححش إنها تيعرف توورقص !!

ساطي : ما الومك يارجال تلقاك مناسبن من خوالك الله يفشلك !!

نام حمزه وارتاح ساطي من سواليف هالحجازي الكمخه لمدة نصف ساعه وفي هالنصف ساعه وصل ساطي للشفا حيث إنه مواعدن له بيَاع عررق من النوع الفاخر وهذا
من اجل الخشششه طبعا .. طبعا بينط علي واحد ويقول ساطي طفران من وين له يشتري عرق بخمسين وإلا بمية ريال بقول له الله يكثر الخمس الآف حقت حمزه خخخخخخخخ

حمزه : (يحاول يفتح عيونه مايقدر يرفع جفونه ترجع تطيح ) الولد فاااااااااااقد مررره .. إحنا فيييين دحييين !

ساطي : (يلتفت عليه مع الدريشه ) قريب قريب (ويقول لخويَه ابك والله يا ان هالوريع منجم ذهب محدن درا عنه هعهعهعهعهعهعهع)

حمزه : ياليييل ادااان يالدنداااانه يالييييل اداااان يالدندااانه ................... الخ

ساطي : ماااشاء الله ياحمززززه اثريك راعي طرب ومزاااجك عاااالي ..

حمزه : إيييوه مزاااجي عااالي بالمرّه حتى ليَ ساعه احاول امسكه مو قادر اطوووله ههههه هههههههه هههههههه

ساطي : (يلتفت عليه ويتفل في وجهه ..)

حمزه : إييش هادا اللي جا على وجهي ..

ساطي : ابك ياولد امطررررت بالرياض والله إن وجهك وجه خير ياحمزه من جيت لهالديره وحنا مبسوطين ومكيفين ..
ابك امسك امسك فك هالقاروره واشرب منها خل الطرب والمزاج يعلى ويعلى ..


حمزه : إييش هادا كمان برضوا زقاره .. بس ليه ملبسينها كووووت ؟

ساطي : (يتفل بوجهه بس بنخامه هالمرّه .. )

حمزه : يابويا المطر بدا يشتد والظاهر نزل معاااه ثلج كمان !!

ساطي : ابك اشرررررررررررررررب إليييييييييييين توقَع على جنبببببببببك اشرررررررررب يالعنبو لحيَك ..

حمزه : (يقروووع من هالشراب نصه على ثيابه ونصه في فمه إلين ماعاد بقى في عقله ولانقطه ..)

ساطي بدا يتلاعب بالسياره يمين ويسار .. وينطل والعالم وراه تشجيع وتكبيس .. (موكب تفحيط ) ومولع النور اللي على الراكب .. اثري هالبدوي ساطي مركبن حمزه على انه الورور حقه

وخذ لك تفحيييييييييط والعالم واقفين تسنهم بنات لبنان لاصار فيه موكب لجورج وسوف !

يفحححححححط وحمزه يقرووووووع وطبعا ساطي مافحَط إلا وهو شاربن من قبل من العرق إلين ماطفحت تسبده ..
لكن ملعون الجدف راسه عالي ولايطيح لابقاروره ولابثنتين . حمزه يلحس القاروره من كثر ماهو جايزن له العرق وساطي متعلقن في الطاره وينطل به يمين ويسار وانواع الجلنطات ..

مادروا إلا بصوت الشرطه والدوريات وراهم .. وهي كالعاده من رجالات المرور دوريتين تحاول تمسك خمسطعش سياره وإلا لو انهم في فيلم المخرج حامت تسبده ولاصدق هالأمر ..

لكن وش نقول غير الله يعطي رجالات الامن العافيه .. على انهم يزلبون ولاهوب يضبطون الشغل صح لكن هالمفحطين جن بسم الله عليهم من يقدر عليهم خخخخخخخخخخخخخخخخ

ساطي سمع صوت الدوريات وتلخبط وفكت سكرته وحمزه لازال يلحس بالقاروره .. مع اللخبطه انفلتت الطاره من ساطي وحدث مالم يكون بالحسبان ..

قبعوا لهم واحدن من الجمهور طيروه تسنه عصيفير طايرن بالسما ..
ابد وعلى كلام الكاتب يقول طلعت له جنحان زي اللي يموتون في الافلام المسيحيه ويصعدون للسما .. همن هبد على راسه إلين ما انفضخ راسه فضضضخ ..

وانقلب الموتر مع النطله اربع قلبات (الكاتب يكتب بضميييير ياناس ) وطبعا وكعادة المفحطين وجمهورهم الكريم يجحدون ام الميت ويجحدون ام السيارات المنقلبه ونفسي نفسي والنحشه ..
ولاكأن هالمتسدحين على الارض بشر ! مافيهم لاذمه ولاضمير .. تفرقعوا تسنهم خرفان داخلن عليهم ذيب .. الميت اللي انفضخ راسه دمانه تسيل ولافيهم ولاواحدن جا وعبَره لا من جمهور ولامن مفحطين.

وحمزه دخل الحديد بين ضلوعه لدرجة إنهم يبون يطلعون الرجال ماقدروا وقزازة العرق مقشرتن وجهه تقشير ..وعقب ماطلعوه من هالحديد ,,
اصبح بعد ماكان حمزه الولد الكول صار حمزه الولد المشلول ..
ولكن وكعادة ساطي ومن هم على شاكلته (قطاوة بسبع ارواح) من يوم انقلب الموتر وهو طالعن من الشباك

ومنحاش مع اللي انحاشوا وادنى واحدن من حقين الموكب يركب معه ويدددعس لاحسي ولارقيب ..
ارواح زهقت وبشر ماتوا والمجرم (القاتل )عقب كم اسبوع نلقاه بخشششششششششه جديده وبموتر جديييييييييد وبورور حجازي جدييييييييييييد

الله يعطيــــــــك العااافيــــــــه

::::

لاعدمنــــــــــاااك

::::
بانتظاار القادم

تعبت وأنا اقرا

يعطييكـ العافييهـ

تقبل مروري

يعطيك العافيه

يعطيييك الف عااافيهـ

مملووح

يعطيك الف عاافيه

يعطيك العافيه ..؟