علاقتي مع جـــــــــــورج بوش

صاحبة السمو · #1 (**permalink**) 19-09-2008, 07:00 AM

هذا الحوار منقوول >>لحفظ الحقووق الادبيه >>ايه هين

بين بووش وواحد الله يستر علينا وعليه

الــــبدايـــــة

مـــابــعد الـــبدايــــة

بالأمس ،، اتصل بي رئيس الولايات المتحدة الأمريكية جورج دبليو بوش ..
فحبيت اني اطنش اتصالته كسابقاته لعدة أسباب ،،
لعل اهم هذه الاسباب كثرة اتصالته ..
واخرى هذه الاسباب نواياه الخبيثة المبيتة ضد المسلمين والعرب ،،
والاهداف التي يصبوا الى تحقيقها يعتريها من كل جانب التضليل ..

ولكنه ازعجني بكثرة الاتصالات فحببت ان ارد عليه برد عنيف
واستعرض عضلاتي عليه بسبب كثرة اتصالته المزعجة ..
وهو بالاصل قد يأتي يوما ويحتاجني فيه كثيرا ،،
لان نصف نيويورك اصبحت من املاكي ..
والنصف الاخر من شيكاغو من أملاكي الخاصة ،،
واغلب شركاتي تجدونها بهذه المدينة ..

المهم رديت عليه ودار بيني الحوار التالي :-

بوش : الو انا بوش ..

أنا : هلا وغلا بـــوش ..

بوش : اخبارك ؟

أنا : تمام ،، بس انت وش دخلك في اخباري ..

بوش : أقول ليه ما ترد على اتصالاتي ؟ والا مسوي ثقل علي ؟

أنا : أقول اشكر ربك لاني رديت على اتصالك اللحين ،،
لاني مشغول جدا وموب فاضي لك !!

بوش : اقول الزبدة ،، اللحين وينك فيه ؟

أنا : في شركتي اللي فتحتها قبل اسبوع بنيويورك ..

بوش : عال العال ،، أجل وش رأيك تسير علي
لاني ابيك بشغله مهمه بالبيت الابيض ..

أنا : يووووه مشوار ومشغول حييييل ،،
والا اقولك بجيك لاني من زمان ابي اغير جو ..

بوش : اتفقنا ،، اقولك اي احد تحبوه
وتعزووه جبوووه معك --> ماصار امريكي
أنا : طيب انت تامر يا سعادة الريس ،،
قبل ما انسى ترى ابي العشاء كبسه الله لايهينك ..

بوش : افااا عليك هالشي مايفوت علي
واذا ما سوينا كبسة بنسوي قرصان ..

المهم زرت بوش وضيفني وكان العشاء
عبارة عن كبسة وقرصان --> لعنبو بليسه بطران ..
وصارت حوارات كثيرة اثناء الزيارة ،، فقد تناقشنا بالامور التجارية والمالية
واتفقنا وانحلت جميع المشاكل السابقة وذيلت جميع العقبات القادمة ..
وتمت مناقشة الاوضاع السياسية واهمها أمور الامتين العربية الاسلامية ،،
وللأسف وكالعادة ما توصلنا لحلول ترضي جميع الاطراف المتنازعة !!!

وقبل انتهاء الزيارة استوقفني وقال كيف شبابكم والطموح لديهم ؟
قلت بخير ان شاء الله ،، بس يبي لهم شويه رعاية وتوعية ،،
والاهم انهم يسعون الى تطوير ذواتهم أكثر ..

قال وش الاهداف اللي يصبوا اليها شبابكم
والاحلام التي يتمنون ان تتحقق ؟
قلت له احسن واطلق واحد فيهم سيارة اخر موديل ،،
وسياحة وسفرات ،، وطلعات !!

وحسيت انه بطولها معي قلت ارجوك يا بوش لا تجيبها
على الوتر الحساس ،، اللي فينا يكفينا زود لان حالنا
مايعلم فيها الا الله ،، الاهم انت ابعد عنا نكون بخير ..
وتعال وش فيك على عيالنا وشبابنا الله
ياخذك من رئيس <--- انتبه تراك في بيته العامر ..
هذا اغلب اللي دار بينا من نقاشات وحوارات الى الان

الآن ،، هل أحد منكم شعر بأني زرت جورج بوش
في البيت الابيض وكنت صادق معكم ؟

اجزم بأن ولا أحد شعر ببأني صادق ،، ولو صدق
واحد فقط فأكيييييد بأن بعقله مس !!
أنا متأكد ان جميع الردود التي ستطرحونها
بالموضوع ستقول بأني تسذاب كـبييير ..

الذي دعاني بالتفكير لما ذكر !!

كان أحد الاصدقاء يحدثنا عن أحد الطلاب الذي معهم بالجامعة ..
وكان هذا الطالب من التسذابين الكبار على مستوى الوطن العربي !!

قلت لصديقي وش دراك يمكن يكون صادق الرجال ؟

قال هذا يجلس معنا كثير ،، ويتكلم معنا كثير ،، وينصب علينا كثير ،،
وحنا نضحك كثير ،، لاننا موب مصدقين ..

قلت طيب مثل وش سواليفه ؟
يقول : كل سنة يسافر أوربا ويصيف فيها .
قلت : يمكن جايز
يقول : كل سنة يشتري سيارة جديدة .
قلت : يمكن جايز
يقول : انا وحيد امي وابوي .
قلت : يمكن جايز
يقول : انا ادرس للتسلية واذا ابي اترك الدراسة تركتها .
قلت : يمكن جايز

قال صديقي العلوم بتجيك لا تستعجل على رزقك ،،
وبقولك الادلة عن كل اللي قاله "فقش" ..

مرة من المرات يقول نفسي اطلع جواز --> هذي الكذبة الاولى .

في أحد الايام شفته يوقف سيارة اجرة "ليموزين"
واستمر على هذا الحال اكثر من اسبوعين
لو كانه يوم قلت يمكن سيارته متعطله --> هذي الكذبة الثانية .

ومرة من المرات كان يتكلم ومن ضمن حديثه انه قال رحت
اودي اختي الجامعة واخواني للمدارس --> هذي الكذبة الثالثة .

مرة قال ان عمره ما شاف مثل قرف الدراسه ولا بشوف وانه يبي
يخش بالعسكرية بس ابوه ناشب له وموب راضي --> هذي الكذبة الرابعة .

يقول صديقي .. بعد مدة صرنا نزبد له بوجهه ونضحك عليه
واننا ملينا منه لاننا اكتشفنا اكتشافات غيرها كثيره ..
وبعد مدة شافنا محجرين له ومعنا ادلة وبراهين تركنا
وما صار يجلس معنا ،، راح عند ناس يصدقون كلامه ..

قلت لصديقي .. ودي اتعرف على هالادمي ،، ودي يقطع وقتي لما اسافر ..
والصراحة من هذولا الاشخاص على كثر كلامه ،، الا ان فائدتها قليلة هذا
لو وجد فوائد ،، واللي يحز بخاطر الواحد انه منا وفينا وهذا عزائنا الوحيد !!

للأسف شبابنا اقصى طموحاتهم وأحلامهم امتلاك سيارة ،،
وحب المظاهر ،، واللي يقهرك زيادة انه مايحصلها صدق .
طبعا ليس جميع الشباب ،، بل يوجد شباب يشار لهم بالبنان ،،
ويمتلكون عقليه رائعه ومثقفه وراجحه جدا ،، وفكر راقي ،،
وطموح عالي يناطح السحب ..

فقال سيد الخلق أجمعين محمد صلى الله عليه وسلم :
"المتشبع بما لم يعط كلابس ثوب زور"
والشاب الذي ذكرته سابقا أحد المتشبعين بما لم يعط كما اعتقد ذلك !!

منقوول