معقوله ينساني

الجرح يكبر معي والناس مشغوله
واللي أبيهم مشوا واحد ورا الثاني
الليله يا طولها والدرب يا طوله
واللي ورايه أحس إنه تعداني
الوقت لا من تغير هذي فعوله
إما لعب لعبته و إلا تحداني
أبواب إمقفله ودروب مجهوله
وإذا تبي كل حاجه لازم تعاني
كلام أبقوله لكن مقدر أقوله
أشياء في خاطري توقف على لساني
غلطة ومن صاحبي وأقول مقبوله
مره على شانه ومره على شاني
والمشكلة لو تطول شوي محلوله
عشان مايشمت القاصي ولا الداني
تكفون وأنتم إليا جيتوه قولوا له
إني (أعزه كثر معزة أخواني)
معقوله ينساني؟ لا ماهي بمعقوله
حتى الشعر وقتها ماراح ينساني
فله حجاج وقصيد وصوله وجوله
يعني متى ماتذكر شي يلقاني
ماشلت هم الشكوك الدايره حوله
وإلا الخوي لا تردى قلت: يفداني
مرات أحس إني حاكم تنقصه دوله
ومرات مدري من اللي ينقص الثاني

رووووووووووعه وربي شي تسلمييييييين

روووعهـ

اللهـ يعطيكـ العافيهـ ..

صـح لسآنك وتسـلم يمـنآك

دمـتي بـود

مكرره
عوافي..

رااااااااايعه

ذايقه من يد مانعدمها

عواافي غلاي