.×. بنآت آلمنتدى وِآلشآب آلسعوٍدي .. من تجميعي .. دعوٍة للنقآش .×.

مرحبا ..
يووه .. كل ذا اللي فوق عنا ..
المهم .. بطول وانا اكتب .. يعني يبيلك كوب شاهي على بال ما اخلص وتجيب فطورك احتياط .. يمكن ما تخلص قرايه اللا بعد الفجر

بداية .. انا قد قريت هالموضوع .. كثير .. وتطرقت له كثير .. من خلال منتديات ثانيه او من محادثات
واشبعت هالشي طرحا ونقدا وسبّا .. واحيانا ترجيما
ابدا اول شي .. من خلال مصدر معلومات البنات عن الشاب السعودي او الخليجي بشكل عام ..
البنت من وين تعرف ان الشاب فيه كذا وهو كذا وطموحه كذا .. وافكاره كذا ..
من وجهة نظري اشوف انها 3 مصارد ..
برتبها وباتكلم عن كل واحد منها ..
الاول .. العائله .. اخوانها .. وابوها .. ونادرا زوجها .. يعني ان كثرو .. ما يتعدون 10 اشخاص ..
الثاني .. علاقات .. اقدر اسميها هشه .. او عابره .. او يمكن تقضية وقت مغلفه بكلمة (حب)
الثالث .. من خلال التلفزيون .. والمسلسلات ..

وكل هالثلاث .. ما يمكن اننا نحكم على شبابنا من خلالها .. ولكن شاءت الظروف .. وظلمنا من هالمصادر ..

نجي للاول ..
اولا .. مجرد 10 اشخاص او اكثر او اقل .. ماهي كفيله بأنك تحكم على شعب .. من خلالها ..
وخصوصا وجود العلاقه العائليه اللي احيانا .. تخبي كثير من التفاصيل ..
ولو جينا من ناحية البنات لأنهم البادين بالهجوم .. اغلب البنات جملتهم المفضله (ما احد فاهمني)
والدليل انه مافيه مصارحه صادقه مع الاهل عن ادق التفاصيل ..
علشان كذا بنيت على هالمصدر بالفشل .. البنت ما تصارح اخوها والاخو نفس الشي .. والوالدين ما يدرون وش السالفه .. وبالتالي .. ما نقدر نحكم على احد


المصدر الثاني ..
العلاقات ..
لما تشوف الولد ماسك خط .. وهلس .. ونصب على البنت .. وهي بعد نصب وما الى ذلك
البنت تبني فكره .. والولد يبني .فكره .. من خلالها يحكمون على الجنس الاخر ..
نجي للبنت مثلا .. (مدامهاهي اللي تدعي الرومانسيه ).. تلقاها تسفل بالشباب السعودي وانه عديم الرومانسيه .. وانه فيه وما فيه .. وبالاخير .. لها علاقات مع 3 شباب .. وتحلف لهم الثلاثه بأنها تحبهم
وهالعلاقات اساسا نادرا ما تستمر .. وبالتالي يحكم على الشباب بأنه عديم ثقه ولاهوب يم رومانسيه ..
اذن .. هو مصدر غير موثوق ..

نجي للثالث .. وهو الاهم .. من وجهة نظري ..
اللي هو المسلسلات ..
طبعا المسلسلات الخليجيه ما سوت خير .. مطلعه الشاب الخليجي .. بأنه داشر وصايع ويعبد الدراهم وراعي مصالح وخاين وسكران .. ومريض نفسي .. ومزاجي ومتقلب .. ويمكن يسوي اي شي .. غير متوقع ..
بعدين جو ملاعين الصيت الاتراك .. وطلعو لنا رومانسيتهم .. وحبهم وحنانهم .. وخبالهم .. وانهبلو بناتنا .. ولا يهونون الشباب .. انواع لخقق على البنات !!
وللاسف حنا يالعرب .. بشكل عام .. تحكمنا عواطفنا .. ومن خلال نظره نحكم على كل شي ..
نحب ونكره من خلال موقف .. والمسلسلات تأثر فينا بشكل .. موب طبيعي .. وما حد ينكر هالشي ..
واخص بالذكر البنات .. اللي وصلت بهم المواصيل .. وقريت عنهم انهم يطالبون بالسماح لهم بالزواج من الخارج ..
خصوصا واني شايف سرا ايطاليين .. واحد يقول .. منيره عندي .. والثاني يقول العنود لحد يقربها .. والعاشر يقول يا لبى حصيصه
صدقوني لو تصفون سرا على الحدود موب مناظركم اللا افريقيا .. وانت جاي ..
موب لأنكم شيون ولكن لأنكم تتشرطون واجد .. وتبون ملائكه على الارض ..
وش اللي خلاني اقول النقطه الاخيره ..
غير اني شايف ان البنات بشكل عام ما راح يعجبهم اي شي ..
تبي واحد وسيم .. ورمانسي وواثق .. وتاجر .. ويقدس المرأه وحنون .. ومدري ايش .. ومطالب ما تخلص .. ولو ما توفر لها هالشي .. ماراح يملا عينها اي شي ..

ما عليش .. حذفت بفكرة الموضوع ..
ما راح اقول ان الكلام اللي فوق .. ما عجبني منه شي ..
ولكن تبقا وجهة نظر .. لحظة كتابة الموضوع .. ممكن تتغير بأي وقت .. وبأي ظرف ..
تم الحكم .. من خلال عينه ممكن ما تتجاوز اصابع اليد .. على شعب كامل ..
احترمها .. كوجهة نظر ..
اقروا وجهة نظري جيدا .. وعلموني اذا اخطيت او تجاوزت .. وتراني اكثر واحد يقرا .. ويسمع في العالم ..
ولاني متمسك بوجة نظري .. اذا كان فيه رأي يقنعني ..
ياليت تنوروني .. على اي اساس حكمتوا هالاحكام .. لأني اقدر افتح موضوع مشابه .. ونتكلم فيه عن البنات .. وبتقرون كلام مشابه من الشباب .. انا عن نفسي .. بنسخ هالرد .. وبأكتبه هناك ..

ودي اكمل .. احس اني ما خلصت اللي في راسي ..
بس بيقيم المسجد .. الحين .. وامامنا ما شا الله عليه .. حالف اول امام يسلم في الرياض هو


لا تزعلون .. مني ..
ما قلت هالكلام .. اللا لأني .. احب واحترم البنت السعوديه .. ولا امانع من الزواج من الخارج .. << حاق الموضوع

دمتم منا وفينا .. والينا .. :d
دمتم بحفظ الرحمن ..

يعطيك العافيه

منزلين لأجآبآت والله مآدريت
بس الفوكرهـ خقوقييهـ
يعطيكم الـ ع ـآفيهـ حبيبآآتــي
تستآهلون اًلِتًقِيًمِ

أي واللهـ منزلينهآ يآبـع ـدي

موضوع أكـثـر من رـآآآئع ..

يعطييكم ألف عآفيهـ دنوـو & نـويـر

لاعدمنآآ ابدـآعكم