سعوديان يختلسان أكثر من مليون ريال من صراف بنك الرياض

سعوديان يختلسان أكثر من مليون ريال من صراف بنك الرياض

أوقفت شرطة منطقة حائل ممثلة بمركز شرطه المنتزه رئيس ومشرف فريق تغذية صرافات (سعوديان) يعملان لدى شركة مجال جروب فور للخدمات الأمنية ، بعد إدانتهما باختلاس مليون وأربعة وعشرون ألف وأربعمائة ريال.
وتشير المصادر إلى أن عملية الاختلاس تمت أثناء تغذيه الصرافات التابعة لبنك الرياض بحائل ، حيث اعترفا خلال التحقيق بوجود المبلغ لديهما ولم يبلغا عنه في حينه.
وأوضح الناطق الإعلامي بشرطة منطقة حائل المقدم عبدالعزيز محمد الزنيدي لـ(سبق)انه جرى إيقافهما ، فيما لا يزال التحقيق جار لمعرفة ملابسات القضية .


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


انا حطيت هالموضوع لان الله ستر علي

انا اشتغلت في شركه مثل هالشركه
اسمها ( حمايه )
وكنت مشرف بس بصراحه انواع الاهمال

في شروط التوظيف مكتوب ومن اهم الشروط ان السياره ماتطلع الا ولازم معها دوريه وثلاث موظفين
انا كنت اطلع انا وسائق بس وبدون دوريه

والسياره دايم تخرب علينا في الطريق ومامعنا سلاح ولاشي يعني اللي بيسرقنا بيقدر بالسهوله

وغير القصص اللي سمعتها

قالوا لي الشباب ان فيه واحد سرق 4 مليون نص ولا صادوه الا على حدود اليمن

والمساكين اللي كانوا معه في السياره قبل السرقه الين الحين مسجونين

وغير فيه شباب نزلوا من السياره ورجعوا مالقوها.. الشرطه لقت السياره بعد اسبوعين في استراحه ومسورق منها 7 مليون

والشباب راحوا طحين

وانا كنت في الشركه فيه واحد سرق 500 ريال وانسجن كيف كشفوه؟؟ يوم فتحوا الكيس في البنك لقوا الفلوس مليانه دم وعدوها لقوها ناقصه 500 والرجال جاي للدوام لاف يده يقول صايرلي حادث
والشباب يقولون له اذا بغيت تسرق اسرق جمل الحين بتروح للسجن بسبب 500 ريال

انا مرره طلعت من مؤسسه النقد وكان معي 47 مليون وكنت انا المسؤول عنها وكان معي سائق بس
يعني اللي بيسرقني بيعيش احلى عيشه

وفالاخير راتبي كـ مشرف كان 3000 وراتب السائق 2200 وراتب حامل النقود 1700


ومافيه علاوات ولا تأمين ومافيه وقت محدد للدوام كنت اداوم من 7 الين 5 العصر في كل الشهور حتى في رمضان

والشركه تدور الزله على الموظفين.. شغالين خصومات

فوق هذا مايبون الموظفين يسرقون.. ويلومونهم اذا سرقوا صح انها حرام بس واحد طفران وقدامه ملايين اكيد بتقطر سعابيله

وما أقول غير الله ستر علي بس


تحياتي لكم