مقارنه بين اطفال الاجانب واطفالنا
حيا الله اعضاء المنتدى اعضاء وعضوات تماسيح وشباصات
اللي رايق يقرا واللي موب رايق يقفل الصفحه ويطس ولايقول موضوع تافه او طويل ممل :136::136:
اقروه وش وراكم
************************************************** ************ا
اطفال الاجانب في الصباح حيث يبدأ يوم اطفال الاجانب وعندما يستيقظ على صوت الكنااااري اللي بغرفته بعدها يتوجه
للحمام يستحم ويفرش اسنانه ويطلع من الحمام
تستقبله المربيه بالمنشفه وتصبح عليه بالخير ويروح يغير ملابسه وياخذ شنطته وينزل لغرفة الطعام
ويصبح على امه وابوه واحلى بوسه ياخذها منهم
ثمن يفطر ذاك الفطور طبعا عبارة عن كورن فليكس وبيضه وحده وكاس عصير وخبز وعسل
بعدين يقوم يغسل فمه ويودع البابا والماما ويتوجه للسيارة يلقى قدامه السواق مبتسم ويفتح له الباب
ثم يوديه لمدرسته الخاصه طبعا
************************************************** ********
نجي عند اطفالنا
يقوم الصبح بعد مايطلع عين اهله ولازم افراد العايله يمرون عليه عشان يصحونه وكل واحد وطريقته
الاب : قم جعلك الهزل
الام : قم جعلك الجدري
الاخ : والله اذا ماتقوم لافقع وجهك
اخته : ( تسوي نفسه بتدلعه ) يالله قوم واعطيك شنطة اخوك عليان
تروح فيها للمدرسه
بعد مايقوم يمر الحمام عالسريع ويغسل وجهه
بعدين ياخذ كتبه ويربطها ويجيك مدحدر يدور الفطور
ويتفاجاااااااا انهم مابعد حطوه ؟؟؟؟؟؟؟؟؟؟؟؟؟ هنا عاد تقفل معاه
وبعد مايجي الفطور وهو كالعادة :::: فول وتميس وحليب
يبدا التمساح الصغير بالاكل وشوي الا وهو حاذف اخوة بعلبه الهندسه ؟؟؟؟؟
عشانه سحب صحن الفول من عنده
وشوي الا هو مسدد بوقس عنيف لاخوه الثاني ؟؟؟؟؟؟
لانه سرق فسحته
يتدخل الابو ويتكلم ياولد اركد وعين من الله خير انت وش بلاك وراك مدرسه
يرد الولد عليه ::: انت ماتشوف سعيدان سارق فسحتي ( الله والفسحه )
\\ سعيدان اكبر سراق بالبيت ابوه على طول يصدق ويصكه كف صدقي
المهم بعد مايخلص الفيلم اليومي يروح الولد للسيارة يلقى اخوه فاتح الكبوت ويصب ماء
للرديتر هنا تقفل اخلاق الولد وينقز للشارع ويأ شر لاقرب سيارة ويروح للمدرسه
************************************************** *******
نرجع لاطفال الاجانب بعد مايرجع من المدرسه
يرجع ويلقى المربيه في استقباله تاخذ الشنطه وتوديه لغرفته بصحبته ويغير ملابسه
ويغسل وجهه ويستريح له ساعه في انتظار افراد العائله عشان يتغدى وبعد الغداء
الرايق يروح لغرفة الجلوس ويشرب شاي ( يقاله يهضم ) ويحلي بقطعه كيكه
بعدين يروح لغرفته ينام له ساعه قبل العصر
************************************************** *********
اما اطفالنا
اما الصغير منهم يجي من المدرسه وثوبه قالب لونه بني ( تقول جدار مدرسه )
ولادخل البيت رمى الشنطه بالصاله وفصخ ثوبه
ووينك يالشارع ### اخوياه يحترونه ### وهاتك ياللعب
كورة بذ ا القايله وعادي والشارع مولع من الحرارة وهم ماحولك احد ولا كانه فيه شي
واهله مايدرون
في هذه الاثناء يرسل ابوه كتيبه من اخوانه للبحث عنه
ولا لقوه وجابوه للبيت قام يصيح ويقول طقوني وسحبوني قدام الناس
( كذاب محد مسكه النصاب )
المهم يحطون الغداء معروف طبعا كبسة لحم غيره مافيه //// يتغدى الولد الكريم
ويصك بعدها بلتر من اللبن بعده يجلس ساعه فاتح فمه ومفهي
يحتري من يوديه يغسل له يدينه
************************************************** ************
اطفال الاجانب
لاجاء العصر قام جاب دروسه وشاف وش عليه من واجبات وحلها وحضر دروس بكرة
بمساعده الماما والبابا بعده يروح لغرفة الالعاب ويجلس على البلاي ستيشن وياخذ لعب
بعده تطلبه امه مع بقية اخوانه عشان يجتمعون ويشربون عصير
ويسولفون سواليفهم الرايقه
**********************************************
واطفالنايجي وقت العصر وهو بعده نايم ( مفعول اللبن )
يقوم قبل المغرب وياخذ دروسه وواجباته . ,,,,,,,,,,,,,,,,,,,,,, واقلامه ناسيها
في درج الطاوله اللي بالمدرسه
ويروح عند اخته ويتحايل عليها بكل مااوتي من قوة على شان تحل له الواجبات واذا قالت
لا ياويله وياسواد ليلها
بعد كذا انواع الدجه مع اولاد الحارة ومن هم على شاكلته مايخلون هندي الا وسرقوا
سيكله ولا رجع البيت الساعه 12 تقريبا تلقى راسه مفلق من جميع الاتجاهات
والشرطه تدورة وجارهم مسوي اعلان عليه مطلوب حي او ميت
... وخذلك عاد مساكين اهله مايدرون وش يسوون فيه ....
اطفال الاجانب
بعد ما يتعشى ويمسي على اهله بالخير يروح لغرفته ويجلس عالنت ساعه الى موعد نومته
الساعه 10 تقريبا بعده يغير ملابسه وتجي المربيه وتحكي له قصة لين ينام وتغطيه وتطفي النور
اطفالنا
لارجع البيت الساعه 12 بالليل مايدخل مع الباب ينط من فوق السور على شان ابوه مايمسكه
وعلى طول لغرفته ويسكر الباب ويطفي النو ر ويطل من الدريشه على باب الشارع الرئيسي
يبي يعرف وش صار على مسلسل المشاكل المكسيكي اللي جابها معه للبيت وكيف بيحلها ابوه
مع الناس ومع جارهم ومع الشرطه
وفي اثناء ذلك يستغل الفرصه ويروح للمطبخ وياخذ منه جبن وخبز ويرجع لوكره
ويقفل باب الصندقه ( اللي هي غرفته)
ويتعشى من ذا الخبز والجبن اللين يدوخ على الساعه 3 صباحا لاوبعد ماينام الا وهو متلطم
على باله انه مراقب
الله يستر على تماسيحنا من جد رهيبيييييييييييييييييييييييييين
واخيرا تقبلوا تحياتي
واحتراماتي
وتقديراتي
ويله انتظر ردودكم ياويل اللي يقراه ومايرد ))))))) ماتحب التهديد
:01111::01111:
الإهداءات
« آخـــر الـــمـــشـــاركــــات »
14-03-2008, 06:23 AM
الفرق بين اطفالنا واطفالهم 
العرض العادي
