السلام عليكم ورحمة الله وبركاته
مرحبا أخواني الأعضاء
هذا الموضوع حساس شوي ويمكن يعرض معرفي للخطر
لكن بتوكل على الله واللي يصير يصير .
العياره تعرفونها اكيد ومع ذلك بنعرفها لكم ( مدرس على غفله )
العياره هي عباره عن لقب او كنيه اخرى غير الاسم الصريح والأصلي للشخص وقد يكون هذا اللقب فخر وعز لصاحبه او ذم وحقران أنت وشخصيتك وحظك مع انه قليل تلقى ناس يفتخرون بعيارتهم فاغلب العيارات اللي نسمعها ما تشرف راعيها .
في القرى والمدن الصغيره تكثر العياره وذلك بسبب تقارب الناس ومعرفة بعضهم البعض عن قرب , وخصوصا وقت الاولين كانوا عيارين بشكل غير طبيعي ويمكن ظروف المعيشه الصعبه سبب في ذلك .
والعياره في العادة مرتبطه بموقف معين او صفه معينه او حتى عادة موجودة في الشخص الي له عياره .
وهي ليست أختياريه يختارها او يحددها الواحد بنفسه , كان سمعنا ناس عيارتهم الذيابه او القوانيص او النمور عشان كذا الواحد يرضى بعيارته غصب عنه .
والعياره اخواني الكرام في مجتمعنا هذا منتشره وبكثره وشي عادي وطبيعي عندنا وخذنا عليها , لان فيه بعض العيارات ( مدري جمع الكلمة صحيح ولا صححو لي يا اهل اللغه ) فيه عيارات بالوراثه يعني موجودة في زمن جدانهم و ابائهم وتستمر في اجيال العائله الى ما لا نهايه .
والعياره موجوده في البيوت بين الاخوان واكيد كل واحد منا له عياره يعيرونه بها في البيت ولا في المدرسه .
ميزه العياره او فائدة العياره للشخص أنها طريق سريع وسهل للوصول اليه ومعرفته لان نادراً ان تجد تشابه فيها عكس الاسامي التشابه فيها وارد وكبير , عشان كذا الواحد اذا سأل عن أي شخص معين ويبي يختصر الوقت والبحث قال يا رجال ( الــ ؟؟؟؟ أسرع ) جاب عيارته ! ثم على طول يجيب خبره .
العياره ممكن تكون اسم أجنبي او شخصية كرتونيه او صفه او اسم حيوان او سياره او او كل شي جايز حتى المأكولات والمشروبات يعير بها !
ولا تقتصر على الرجال دون النساء فهناك الكثير من النساء لهن عيارات وخصوصاً العجايز لان وقتهم الحواجز معدومه وكثير احتكاكهن مع بعض اما في حصاد او حش ..الخ , وغالبية الناس يزعلون اذا عيرتهم خصوصا اذا كانت عيارتهم قوية وراكبه عليهم 100%
كثير ما نسمع في المجالس قوله ( عزالله اللي سماهم (عيارتهم) ما كذب ) .
وفيه ناس تعودو على عيارتهم وصارت عادي عندهم ولو تناديه بعيارته قالك : سم امر وش تبي ؟
لدرجه انك لو تناديه باسمه قال غريبه وش جايك ؟ اكيد تبي شي ؟ !!!
ختام الموضوع طلب بسيط لمن له عياره ان يوضح لنا وللاخوة موقفه منها وهل يضايقه هالشي ام لا ...
وياليت كل واحد منكم يذكر لنا بعض العيارات للمقربين له واقوى عياره سمعها في حياته؟؟
( سؤال محرج صح )
لكم مني أطيب تحية ,,
------------------------------
الإهداءات
« آخـــر الـــمـــشـــاركــــات »
28-03-2008, 01:51 PM
العياره...أسمك الثاني.! 
الله يرجك طيب نشوفك الربع اخوياك عشان نتأكد عندك عياره اولا <<<<والله اني ملقوووف بقوووة
![الصورة الرمزية ]$[Uno Cool]$[](http://www.ri-cool.com/vb/avatars/27.gif?dateline=1220611084)
![]$[Uno Cool]$[ متواصل](images/reputation/reputation_pos.gif)
رد: العياره...أسمك الثاني.! ![]$[Uno Cool]$[ غير متواجد حالياً](gallery-des-vb/statusicon/user_offline.gif)
اجل دلوووعه مامي <<<<عياره قوووويه![الصورة الرمزية •!¦[• فـ هـggدي•]¦!•](http://www.ri-cool.com/vb/avatars/22.gif?dateline=1205699459)
العرض العادي
