oOo مــــــآيــــك المــنــتــدى oOo

هلا حبايب قليبي منورين الوكر المؤقت حقي هع..

والله توي راجع من السويدي كنت معزوم على العشاء عند شباب على كيفكم انواع التنسيم ومن كثر الضحك جوانبي صارت توجعني معنا واحد توها متزوج ماله شهر ونصف وماشاء الله عليه مررره صاير رسمي على باله صار مهم ماعاد يعطينى وجه قلت له لاتسوي علينا طاق الكرفته ترى كلها كم شهر وترجع مثل اول وماشاء الله عليه يوم جاءت الساعه عشر دق الجوال حقه والشباب انواع التعليق عليه وهو صار وجه احمر بعد الاتصال على طول قام يصرف وعلى باله مشغول ويبي يستأذن وانا اقول الله يادنيا يوم كنت عزوبي كنت مطنش كل شي حتى اهلك ماتعطيهم وجه والحين جات من تمشيك وتعرف لك .....بس الله يوفقه ويستاهل كل خير.. المهم يالله بروح اخذ لفه في المنتدى وبرجع لكم من جديد ...

هلا فيكم ..

رجعت لكم بعد غيبه <<مدري وش باقي الاغنيه..

المهم بسدح لكم هذي القصيده اتمنى انه ماتعجب احد فيكم بس ياليت احد يقول انه ماتعجبين عشان اعرف اتفهم معه <<<<<<اقول يازينك ساكت ترى بتنجلد من الاعضاء هع

كافي تلاعب يا حبيبي بالاعصـــــاب -- عذبتني بالحيـــل واشغـــلت فكـــــري

والواضح انك يا هوى البال لعــــــاب -- تلعب على الحبلين من غيـــــر مـــدري

تلعب وظنك صاحبك فيــك منصــــاب -- بدري عليك اللعب ياهيـــه بـــــــــــدري

ادعيت حالي يا هوى البال مرتــــاب -- اركض على النغمه واهيجن واهــذري

ما فادني ركضي ولا فادك عتــــــاب -- ولا فاد فيكم يالغضي طول هجــــــري

اصبر واصابر وابتذل كل الاسبــــــاب -- والفايدة عود عـــلى اللاش صبـــــــري

الله يبــلى من بلاني ولا تــــــــــــاب -- واصبح مع الهاجوس يالفي ويســــري

حلفت لاطوي صفحتـــه واقفل الباب -- باب فتحته يابيض اللـون غـــــــــــــدري

واسحب على حبـــك ولو كان سلاب -- والله ولو هو فالشرايين يجـــــــــــــري

مع السلامه والهوى فيك قد طــــاب -- واصبــــح مع اللي للعــــلاقات يشـري

غرون حسينن كامـــل الزين جـــذاب -- لاجله صخرت القاف واظهرت شعـــري

عله يسليني واسليــــه باعجـــــــاب -- ويمسح صدى حب على البال يطـــري

هلا فيكم من جديد منورين الوكر المؤقت هع
تصدقون طفشان بقوووة ودي اسوي اكشن لي فترة بس مدري وش اسوي ؟؟؟؟
اتوقع قريب مررره بيصير اكشن بس وش مدري ؟؟
على العموم بغير الموضوع و بقول لكم وش اتخيل اشكال بعض اعضاء المنتدى مثلا ..
عطر الاماكن احس انه ابيض ودبدوب وهادي مررره ودائما يجلس مع نفسه ويحب يفكر كثير ..مدري ليه..
سمو المشاعر احس انه ابيض بعد بس عصقول واحس انه يحب الجلسات الي فيه سوالف وراعي بلوت ..
عبود احس انه ابيض شوي وراعي مزاج ويحب الاستراحات وراعي شيشه..
برنس الشوق احس انه اخلاق وهادي ويحب الدراسه ودائما مبلط مع نزف وجنرال..
نزف الجروح احس انه عصقول ويلبس نظارات احيانا ويحب الذب والضحك وراعي اكشنات..
جنرال اسمر شوي راعي مشاكل ودائما يستقعد للهنود والمصريين يعني في المطاعم والبقالات واحس انه نحيف..
عزوبي على اسمه احس انه ملحوس وماحيوس مررره ويحب التنسيم ودبدوب شوي وابيض يعني ابو مصير هع..
مجموعه احس انه رسمي وراعي تشخيص والعقال ماينزل من راسه ويحب الدوران واحس انه اخلاق ومايحب المشاكل..
اسير القوافي احس انه مثقف ويحب الشعر مدمن يعني واحس انه محترم يعني طاق الكرفته هع..
عجزت انساك دبدوب شوي وابيض شوي بس ويحب الاستهبال احيانا واحس انه مافيه الا كم واحد فاهم له ..
فيوليه احس انه رسميه عند اهلها ونظارات وتحب تجلس عند التلفزيون لوحده ودائما يخذون رايه في كل شي ..
شموخ انسانه احس انه دبدوبه شوي وسمره شوي وتحب يكون لها كم صديقه بس ماتحب العلاقات الكثيره ..
بنت رزة احس انه نحيفه مرره وحنطيه شوي وتحب تجلس لوحده دائما ومدمنه نت تقوم وتنام على الكيبورد هع
طويله العمر احس انه دبدوبه وبيضاء ودائما تطق الكرفته يعني رسميه بقوووة وماتحب الاستهبال كثير وراعيه مزاج هع
شموع سمراء شوي ونحيفه وعايشه حاله حب وشعرها اسود مرره ..
هيونه ..بيضاء مرررره ودبدوبه وخدود وتحب الضحك والمقالب بس احس انه قلبها ابيض مررره..
العالم بكفي .. احس انه نحيفه وسمراء شوي وطويله ورسميه وتحب تفكر بعقل ورسميه احيانا ..
احلى حياه .. سمراء بعد وعصقوله شوي ودائما تستهبل على اهلها ..
بس تعبت الباقي بعدين ...

انا بصراحه بكره مشغول مرررره عشان كذا ودي اسلم المايك لغيري ...
بس مدري مين اختار اممممممممممممممممممممممممممم

اقول





شكلي











اختار














عضوة



















او






اقول
















عضو











احسن






















لا ماله داعي











عضو

















اختار








































طويله العمر يالله تفضلي المايك بس ترى خربان شوي وانواع الغبار عليه ياليت هيونه تشتري لنا جديد ...

المهم يالله دور طويله العمر ..

بس نشوف تعليقكم وكيف الصداع الي صار لكم بعد الازعاج الي انا مسويه والزحمه والحاله الصعبه ..





واحلى مايك خربان لطويله العمر هع

مرررررررررررره جناااااااان بس الشغل يعور الراس اهئ اهئ
الله يعينك ويوفقك انشاالله يارب
العالم بكفي .. احس انه نحيفه وسمراء شوي وطويله ورسميه وتحب تفكر بعقل ورسميه احيانا
ابي اعرف ليش الاولاد تحس انهم بيض وسمان
والبنات سمر ونحاف
وبعدين وش دراك عني

من جد تعب .. بس الله يعين ..

هههههههههههههه يمديك ساحر وخطير<<<صدق الولد هع هع

اهم شي انك منورة المايك ويسلمو على الطله الحلوووة..

الله يكفينا شر السحر
منور بوجودك
تسلم يابعدهم

الله يخليك ياذوق وتسلمين على الطله الثانيه هع هع<<<<انواع التحسيب هع