أرفعي راسك دقيقه وافهميني
الطفوله كلها حب وصداقه
لا تغيب الشمس وانتي تكرهيني
الفراق المحتمل مر ٍ مذاقه
جبت لك ورده وذبلت في يميني
وكان ما تكفيك ( ورده ) جبت باقه
سكت وداخلي صرخة تردد صمتها الجدران حسافة طاوعك قلبك بلا ذنب ٍ تبيعيني انا ما املك الا قلب لكن للاسف تعبان كفاني منبع الاحزان تفجر به شراييني احاول اكرهك لكن فؤادي ماكره انسان غريبة كيف هذا القلب يحب اللي جرح فيني حبيبتي داخلي كلمه عساها تشفي الوجدان حبيبتي ما اقول الا .. حرام انك عرفتيني
يا وجد حالي وجـود اللـي يتـلّ أمـه
و يقـول لا تتركيـن وليـدك الغـالـي
ما يـدري ان الليالـي جـات بمطمـه
أمـه توفـت و لا والـي و لا تـالـي
ماتت من الجـوع و هـو فاتـح فمـه
جور و مجاعـه و طاعـون و سلاّلـي
الله على الساعـة اللـي فـورت دمـه
و الله على الصورة اللي ضيّقـت بالـي
مـن شافهـا بيتذكـر حالـة الامّــه
و بيقول يا وجد وجدي و يا بري حالـي
أحدٍ ياخذ له شهر و الخبـز مـا شمّـه
و أحدٍ طعامه يجيـه الـوان و أشكالـي
أفريقيـا جوعهـا كـم مسلـمٍ سمّـه
و حنا نبذر هـذا فـال و هـذا عقالـي
نسعى ورى المـال و نجمّعـه و نلمّـه
حـلال حـرام مـا نـدري و لا نبالـي
نشري كاسيت (نانسي) و المطرب نضمه
ندعمهم و من ورانـا جمعـوا المالـي
و ال***** اللي الخليج و شعبـه تذمّـه
حنـا وراهـا نجـرّ الصـوت ونلالـي
و نرسل ( SMS) و اللي يقصر انتمّـه
علـى قنـاة هدفهـا دمّـر الأجيالـي
موضوع (أبو الهش) فيه الناس مهتمـه
كلـن يصـوت لـه بـدولار و ريالـي
يا ناس يـا نـاس لا غيـره و لا ذمـه
يا مسلمينٍ بالأسماء مـا بـه افعالـي
وشلون من ينحرف نمدحه مـا نذمـه
و شلون ما نفرق الداني مـن العالـي
لا صـار لا وازع دينـي و لا هـمّـه
لا تأمنـون العـذاب و قـدرة الوالـي
تصدقوا و أنفقوا و العيش فـي القمـه
ما هـو بدايـم إذا وقـت النعـم زالـي
يا الله و أنا طالبك يـا كاشـف الغمـه
تحيي قلوب العبـاد و تصلـح الحالـي
الإهداءات
« آخـــر الـــمـــشـــاركــــات »
05-13-2008, 10:11 AM
