السلام عليكم
لأول مرة أشارك بقصيدة لا أعرف شاعرها الصراحة بحثت ولم أجد اسم الشاعر ,,وان شاء الله اختياري يعجبكم.
يابحر فيني من الحزن كثر مافيـك
من حزن وأوجاع وغياب وغرايب
لا تلومني اليا شفتني دايـم أجيـك
ولا شفتني دايم على الشـط ذايـب
حزني كبير أكبر من حدود شاطيك
وأقسى من جروح الزمان العطايب
وان كان تنشدني فأنا مقدر أخفيـك
دايم أظـن ويطلـع الظـن خايـب
في هالزمن أقرب حبايبـك يشقيـك
الين تدفع فـي غـلاه الضرايـب
من بعد هذا يبتعـد عنـك ويجفيـك
ماكنه بجنبك قضي الوقـت طايـب
والا الخوي اللي توقعـت يفديـك
يفديك عمره لا غديت بـك نشايـب
صد وتصدد مايبي سمـع طاريـك
وياما أنت دونه أتعبتـك الطلايـب
لا تقو لي بدري وتـوك ويمديـك
وتعال واسمع باقي الهرج صايـب
خلك بحالك وأطلب الـرب يهديـك
ولا تنشد اللي غاب وين أنت غايب
وان شفتني غايب عن حدود شاطيك
اعرف تراني تحت ذيك النصايـب
وأعرف تراني دايم ان ضقت بآجيك
لأني أنا والمـوج صرنـا حبايـب
حزني كبير أكبر من حدود شاطيك/ وأقسى من جروح الزمان العطايب 
العرض العادي
