السلام عليكم اليوم جبتلكم قصييده روووعه ومؤثره في نفس الوقت اتمنى انها تعجبكم يالغالين
قلت الوداع وجاوبت دمعـة العيـن
تجـرح بساتيـن الخـدود النديـه
وغضت وشفت بعينها الحزن حزنين
وصاحت على الفرقى انـا موقويـه
وجاوبتها ارجـوك تكفيـن تكفيـن
والله دمعـك يشعـل النـار فـيـى
وقالـت تعاهدنـي عهـد المحبيـن
الله يخـون الـي يخـون بخـويـه
قلت ابشري والي خلـق لاتظنيـن
حـرام ماغيـرك عشقـت ادميـه
وقصت شعرها قلت انا وش تسوين
قالت ابي مـن غرتـي لـك هديـه
ونادتني الايام علـى الهـم والبيـن
احسـب الايـام روحـه وجـيـه
وفي كل ليله يرتسم بيـن رمشيـن
خيالهـا بيـن الرمـوش الشقـيـه
غربة سنه في ذمتي غربـة سنيـن
متى على الله يلتقـي الحـي حيـه
خلاص هانت مابقى غيـر يوميـن
خـلاص قضـت غربـة هجرديـه
ورجعت شوقي في خفوقي براكيـن
ورجعت انـا كلـي لهـا جاذبيـه
وسالت ماردو وانا اصيح هي ويـن
وكلن نثر من داخـل العيـن ميـه
وفي قمت احزاني تلقيـت رمحيـن
قالـوا توفـت غافلتـهـا المنـيـه
وفي غرغرتها ماذكرت غير حرفين
تشهـدت باسمـك شفـاة البنـيـه
وتزاحمت في داخلي الـف سكيـن
والحـزن يطوينـي ثمانيـن طيـه
صدمه وجتني على الارض نصفين
وشلون راحت بلا ذنـب او خطيـه
تكفون دلوني علـى قبرهـا الحيـن
ماعـاد فينـي للصبـر مقـدريـه
وقفت اطالع قبرهـا بيـن نصفيـن
وجلست اضم اغلى النصايب عليـه
واصيح وشفيك ياغـلاي ماترديـن
اشتقت همـس اشفاهـك النرجسيـه
وشفيك جيت من السفر ليه ماتهليـن
ماهي بك عـاده ولا انتـي رديـه
وحاولت في لحظه اني اجرح الدين
وازيـح تربـة قبرهـا فـي يديـا
وبالغصب شالوني عشى كني مسكين
اصـرخ بـهـم والله والله حـيـه
وقضـت وتاهتبـي كـل العناويـن
والحزن يرقص بداخلـي سامريـه
ورجعت لدرب الشقى بعـد عاميـن
ومدري من الي صار فينا الضحيـه
لعلها ان تحوز على رضاكـــــــــــــــــــــم
ولكم تحياتـــــــــــــــــــــــــــــــــــــــــــــ ــــــــي
اخــــــــــــــــــــــــــــــــــــــــــــــــ ـــــــــــــــــــــــــــــــــــوكم
خـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــالد
الإهداءات
« آخـــر الـــمـــشـــاركــــات »
05-17-2008, 01:46 AM
قلت الوداع وجاوبت دمعة العين \\\\\\\\\\\تجرح بساتين الخدود النديه
