بسم الله الرحمن الرحيم
استلقت الدلخه على سريرها المكسور ومخدتها المشقوقه من احد الزاويا وطالع منها قطن
وريوست بذاكرتها سنه الى الوراء وهي ممسكه بشماغ مشقوق
وتذكرت ايام 3 ثانوي
3/ب علمي <<=< نصابه ادبي
ايام المريول والشنطه اللي مرسوم عليها فله ومطموس وجهها <=< ابتدائي مو ثانوي وايام شراب العائله والنحشات و.و.
تنهدت وقالت اثناء الشهيق يالها من ايام وعند الزفير قالت خوالي
(يالها من ايام خوالي)
وتذكرت الحصه الثانيه يوم الجمعه <=< جمعه
درس بلاغه
الموضوع : علامات البلوغ
الشرح : غير قابل للعرض
وضع الفصل : فوضى وحوسه وسوالف وتقشيم حب
ابلى سهير:الله يبلسكم اسكتون خلونني اعرف اشرح الدرس تلاس مرات اعيد ومافيه شي منكم يفهم كلامي(مصريه تتسعود)
حال الدلخه في الفصل: zzz فاقه خشتها ومتوسده الشنطه اللي مافيها غير دفتر مطالعه وانواع السعابيل والغمص اللي في العيون والشخارير جمع شخير
وفجأه
سهير:اااااااااااااااااااااااااااااااااااااااع ع ع (صرخه)
سهير:يالاهوي يالله يابنات اخرقوا اني اشم ريحة حريق بالمدرسه يالا الهول و ما اعظم المصيبه هيا الى الخارق (قلبت الزير سالم)
البنات > بدوا يصارخون ويزاعقون وصار الفصل كنه عزبة هنود او شقة عزابيه (الله يخلف عليكم يالعزابيه)
وبدت البنات بالنحشات كل وحده ومجموعتها
الدوافير ارتبكوا وكل وحده تدخل دفاترها وكتبها وتعدها لايكون فيه شي ناقص وتلاحق البنات عشان يرجعون دفترها وتدربي راسها اللي يتحكم فيها مره يمين ومره يسار ومتحسفين ان الحصه ضاعت ولاخذوا درس
الدلوعات كل وحده طلعت عده المكياج وقامت تحط وتلط عشان تطلع وهي كاشخه ويالله يالله يمشون حبه حبه تقول تمشي على الارض (وهي تمشي على وشو؟؟؟؟)
العرابجه متشققه من الفرحه وتدف البنات وتصارخ وتطفي الانوار (فائده : لاتطفئ النار اثنى الحريق )
وتكتب على الجدران >=> يعيش الحريق ـــــ دز يابو . وترمي دفاترها في الحريق
(ودي اعرف ليش؟؟؟ــــ وش درانا انتي اللي كاتبه القصه)
بنات المصلى لبسوا عبياتهم وجلسوا في اقرب زاويه ويدعون ويتشهدون << ماشاء الله عليهم
الدلخه zzzzzzzz نايمه ولاكن شي صاير
في الشارع
الشارع مليان تماسيح من كل الانواع (عربجي .خكري .زاحف ـ دلخ .ابو .جد .هندي .بنقالي)
الدوافير ــــــــــــــــــــــــــــ كلهم في المدرسه يدربون دمجهم
العرابجه تفحيط قدام المدرسه وتخميس حتى البزران قامو يخمسون بالسياكل وكل شوي يزيدون حركات تدرون ليش ؟؟
لان البنات العرابجه يطلون من شبابيك المدرسه تصفير وتشجيع وصراخ وطقاق على الشباك
وحده تحمست وطلعت العلم السعودي
واللي من الحماس طبت من الشباك بس الحمد الله ماصار لها شي ليــــــش ؟؟؟
صدها محمد الدعيع (خخخخخخخخخخخخخخخخخخخخخخخخخخخاو)
88888888888
بايـــــــــــــخه
<<<<<<<< كملي (انشاء الله)
العيال الخكاريا انواع التمييع والدلع وتنطيل الارقام
واحد منهم قاعد يرسل صوره بلوتوث وعليها رقمه
وفجأه لقى جهاز اسمه (سبحان الله) ومادرى الا وهو في جمس الهيئه خخخخخخخخخخخخخخخخخخخاو
وعلى اقرب مركز
جت المطافي ويوي ويوي ويوي ويوي واخلت المبنى من البنات <<< قويه اخلت المبنى
ابلى سهير تعد بنات الفصل :عمشى
عمشى:نعم
سهير:طرفه
طرفه:نعم
سهير:شاهيناز
شاهيناز:نعم
سهير:دلخه
دلخه:ـــــــــــــــــــ
سهير:دلخه
دلخه:ـــــــــــــــــ
وتطير سهير على اقرب رجل مطافي واسمه رضا وتقوله:الله يبلسك ياولدي فيه وحده دلخه قوا المبنى روح قيبها من تلابيبها الله يخليك ويرزأك بت الحلال اللي تسعدك ويك.........(مازالت تبربر حتى يومنا المستقبل)
رضا على طوووول دخل جوا المدرسه ويدور بين الفصول يدور الدلخه
الفصل
الدلخه:zzzzzzz
رضا دخل وهو مشخص تشخيصة الكوبرا (رجل مطافي ولابس شماغ؟؟؟)<<<< انثبري قصتي وعلى كيفي
(انشاء الله)
رفع هدب عينه وناظر الدلخه نظره لايستطيع ان يوصفها الا كل عاشق او ولهان
قلب رضا: دربق دربق دربق ويؤشر (يوجد لديك برنامج اسمه فيروس الحب تثبيت؟؟ مــــــــوافق)ودخل حب الدلخه في قلبه
جلس رضا على الكرسي اللي جنب الدلخه وحط يده على خده وقام يناظرها نظرات دلـــــوخ شاعريه وجلس يلعب بخصلات شعرها الخشنه اللي تقول كنها خشب مو شعر(نسى ان فيه حريق)
وبكل جلافة اصابعه اللي كان نابت فيها ثالول هز الدلخه وقال:دلـ ـ ـوخـ ـ ـ ـ ـه وهو يناظرها نظرات احمد زكي لعبلى عشيقة شنتره بن عداد
التفتت الدلخه بكل سذاجه وغباء وعطته كف على خده اللي فيه مشق من كثر الكريمات بس رضا ماتاثر بالكف لان الحب كان لاعب في حسبته
هي عطته كف تحسبه واحد من اخوانها والله العالم انها كانت تحلم انها في بيتهم
نظرت اليه الدلخه ولاكن الصوره كانت مغبشه بسبب الغمص اللي مغطي عيونها ثم فركت عينها ودعكتها بيديها اللي ماتفرقها عن عكرة الضب واتضحت الرؤيا
قلب الدلخه:دربق دربق دربق (يوجد لديس برنامج اسمه فيروس الحب تثبيت؟؟ مــــــــوافق)ودخل حب رضا في قلبها
رضا:اجمل احساس في الكون انك تشوف مثل هالعيون(امحق عيون)
الدلخه نزلت راسها ومن شدة الحيا صقع في البلاط
رضا:ايه اللي بيحصل ده ايه اللي انا شايف ده
الدلخه من الحيا دخلت راسها جوا الدرج
داخل الدرج
علوك ملصقه بكل الالوان ـ بري اقلام ـ براشيم ....الخ
رضا:يالله يا ام عيالي (من متى؟؟)
الدلخه مازالت داخل الدرج
رضا قرب منها وقرب وقرب وحط يده على شعرها وهمس في اذنها
لايروح تفكيركم بعيد
وقال:ياشين السرج على الخيل <<قوي المثل وسحبها مع شعرها لحد ماطلعوا الشارع
في الشارع
لايوجد احد كل البنات انحاشوا المملكه والفيصليه
جلس رضا والدلخه على الرصيف وتبادلوا اطراف الحديث الرومانسيه مثل (خبر اعارة سعد الحارثي للاتحاد ـ محاكمة صدام حسين ـ فياضانات التوسنامي)<<< اخ يالرومانسيه
(فائده:سبب تسميتها بالتوسنامي ـــــ> كان فيه بنت اسمها توس قالت لها امها روحي نامي طلعت التوسنامي)
راح رضا وجاب 1 جريدة الرياضيه 2 عصير سن توب (قبل مايكون درمنكي)<<<< خخخخخخخاو درمنكي بس يوم عرف رجعه وجاب 2 حليب السعوديه زبادي
الدلخه:رضا ممكن بيجرك بدق على سواقنا يجي
رضا: بس بيجر الا خذي الجوال (فائده _____> الجوال اداة اخترعت بعد البيجر)
الدلخه:الو يالله صديق تعال خذ انا من عند مدرسه انا
صديق :ديب مدام (ديب=طيب)بأد ربا سااه انا عند انت (بأد ربا سااه=بعد ربع ساعه)
الدلخه تلتفت على رضا وتقول:باقي من الوقت لي عندك ربع ساعه بروح واغيب عنك طول الايامي
وحطت دمجتها على كتفه وهب الهوا ودخل شعرها في خشم رضا وهو مستمتع بالخصلات التي تداعب انفه
وبدا الاثنين بالصياح والنياح نظرا لقرب لحظات الوداع
بعد ربع ساعه
تمر سياره ونيت باب واحد <<< ترقعها (غماره وحده) (فائده:الددسن هو الوحيد الذي يقال عنه غماره او غمارتين)
صديق:يالله سورأه لازم روح بطحا
تركب الدلخه في الصندوق وهي تغمرها الصيحه مع الفرحه
فرحة الركوب في الصندوق وصيحة فراق رضا
في اثناء ما السياره تتحرك وتمشي امسكت الدلخه بشماغ رضا وشدته بقوه وهو مسكه وشده ومع سرعة السياره انقطع الشماغ نصين
وتفارق الاثنان على امل اللقاء
وعانى المحبين لوعة الفراق
لكن رضا لم يستسلم للمرض << اي مرض
وقرر ان يبحث عن الدلخه بنص الشماغ اللي عنده
بحث في كل مكان
بحث في قوقل وبحث في ياهو وبحث في شوارع الرياض وفي كل بيت لكن دون جدوى
رضا:طنطو تررررررن طنطو
ــــــ:مين
رضا:مرسول الدلاخه
ـــــ:دف الباب برجلك وادخل
دخل رضا وشاف في حوش البيت اطفال واباء وعجايز ومسنين ودلوخ وعالم كثر اللي اكتتبوا في اسهم البلاد وماامداه يحط رجله اليمين الا جتته كوره جلد مقطعينها في اذنه الاماميه (فائده:الاذن الاماميه ميزه يختص بها الدلوخ تحمدوا على خلقة الله)
دخل البيت وطلب يقابل مرة ابو دلخه لان امها مطلقه ومتزوجه جاك شيراك وعايشه في السنغال
جت مرة الابو وحست ان الموضوع فيه ان فراحت وقفلت على دلخه السطح << سندريلا الدلوخ
وطلعت بناتها الثنتين لعل وعسى وحده منهم تحظى بحب رجل المطافي رضا
(فائده:لاتصدقون قصة سندريلا لان البنت اللي تروح من ورا اهلها حفلات بتنجلد)
رضا:طلعوا اي شي عندكم ماله نص
جت البنت الاولى وجايبه معها زبيرية اخوها دحيم المقطوعه
والثانيه جايبه سروال سنه مفقود جزئه الثاني ولونه اصفر مع بني لقته طايح في الحوش خذته تحسبه سروال ولد عمها اللي تحب مادرت انه طاير من سطح جارهم المصري
لكن البنتين فشلوا في الاختبار
في السطح
الدلخه نازله للارض وتكلم فاره وتقولها ارقوك ارقوك بسرعه جيبي مفتاح السطح <<< مصدقه قصة سندريلا
فجأه حست بضغط على منخرها الواسع وحست ان عيونها طلعت وان الفاره انحاشت بعد ان طبعت على خشم الدلخه احلى اسنان في الدنيا
الدلخه:الله يلعن شكلك ياميكي ماوس يابنت ــــــــــــــ والله ماعاد اشوف توم وجيري
فكرت الدلخه وفكرت وراحت تعلقت في جدار السطح لحد ماشافت رضا طالع من بيتهم ورمت عليه الشماغ وطاح الشماغ على دمجته واخذ النص وركبه مع النص اللي معه و
اكتــــــمل الشماغ
ورجع لبيتهم وخطبها من ابوها ووافق ابوها وتزوج الدلاخان
*رضا ودلخه قضوا شهر العسل في الصمان
*انجبوا بنات و صبيان
*شروا لعيالهم يوم العيد شماغ البسام >>> العجلان واخوانه حاليا
*ابلى سهير ماتت في حريق المدرسه
*الفاره مازالت خايفه من ردة فعل دلخه
*الخكري مازال يدوج في الاسواق ويرقم
الإهداءات
« آخـــر الـــمـــشـــاركــــات »
31-05-2008, 10:30 PM
الدلـــــــــخه وشماغ رضى 
العرض العادي
